തിരുവനന്തപുരം: അദ്ധ്യാപികയുടെ പരാതിയില് ജാമ്യമില്ലാ വകുപ്പ് പ്രകാരം കേസെടുത്തതിന് പിന്നാലെ, പെരുമ്ബാവൂര് എം എല് എ എല്ദോസ് കുന്നപ്പിള്ളി
മുന്കൂര് ജാമ്യാപേക്ഷ നല്കി. തിരുവനന്തപുരം സെഷന്സ് കോടതിയിലാണ് എല്ദോസ് കുന്നപ്പള്ളി ജാമ്യാപേക്ഷ നല്കിയത്. അദ്ധ്യാപികയായ ആലുവ സ്വദേശിനിയുടെ പരാതിയിലാണ് എല്ദോസ് കുന്നപ്പിള്ളി എംഎല്എക്കെതിരെ ജാമ്യമില്ലാ വകുപ്പ് ചുമത്തി കേസെടുത്തിരിക്കുന്നത്.
എല്ദോസ് കുന്നപ്പിള്ളില് വിവാഹ വാഗ്ദാനം നല്കി നിരവധി തവണ ലൈംഗികമായി പീഡിപ്പിച്ചെന്ന് ആലുവ സ്വദേശിയായ യുവതിയുടെ പരാതി. കേസ് തീര്പ്പാക്കാന് പണം വാഗ്ദാനം നല്കിയെന്നും കോവളം പൊലീസ് കേസെടുക്കാതെ ഒത്തുതീര്പ്പിന് ശ്രമിച്ചെന്നും യുവതി മജിസ്ട്രേറ്റിന് നല്കിയ മൊഴിയില് ആരോപിക്കുന്നു. സ്ത്രീത്വത്തെ അപമാനിക്കല്, തട്ടിക്കൊണ്ടുപോകല്, അതിക്രമിച്ചു കടക്കല്, മര്ദ്ദിക്കല് തുടങ്ങിയ കുറ്റങ്ങള്ക്കുള്ള വകുപ്പുകളാണ് കോണ്ഗ്രസിന്റെ അതേസമയം, കോവളം പൊലീസില് വിശദമായ മൊഴി നല്കുന്നതിനിടെ കുഴഞ്ഞുവീണ യുവതിയെ ആശുപത്രിയിലേക്ക് മാറ്റി. കേസ് പിന്വലിക്കാന് കോവളം സര്ക്കിള് ഇന്സ്പെക്ടറുടെ സാന്നിധ്യത്തില് എല്ദോസ് കുന്നപ്പിള്ളി 30 ലക്ഷം രൂപ വാഗ്ദാനം ചെയ്തതായും അഭിഭാഷകരെയും സഹായികളെയും ഭീഷണിപ്പെടുത്തിയതായും യുവതി ആരോപിക്കുന്നു.
കുറച്ചു ദിവസം മുന്പ് യുവതിയെ കാണാതായതിനെ തുടര്ന്ന് സുഹൃത്ത് വഞ്ചിയൂര് പൊലീസില് പരാതി നല്കി. ഇന്നലെ വഞ്ചിയൂര് സ്റ്റേഷനില് ഹാജരായ യുവതിയെ ജുഡീഷ്യല് ഒന്നാം ക്ലാസ് മജിസ്ട്രേറ്റ് കോടതിയില് (11) ഹാജരാക്കി. താന് ഒളിവില് പോയതിന്റെ കാരണം യുവതി മജിസ്ട്രേറ്റിനോട് വിശദീകരിച്ചു. തുടര്ന്ന്, കേസിന്റെ നടപടിക്രമങ്ങള് സംബന്ധിച്ച് കോടതി കോവളം പൊലീസിനോട് ആരാഞ്ഞു. രാവിലെ കോവളം പൊലീസ് എഫ്ഐആര് രജിസ്റ്റര് ചെയ്ത് യുവതിയുടെ മൊഴിയെടുത്തു. രഹസ്യമൊഴി രേഖപ്പെടുത്താന് ഇതുവരെ അപേക്ഷ നല്കിയിട്ടില്ല. എല്ദോസ് ശാരീരികമായും മാനസികമായും പീഡിപ്പിച്ചെന്ന് യുവതി പൊലീസിനു മൊഴി നല്കി.
ഒന്നര വര്ഷത്തിലറെയായി എല്ദോസുമായി സൗഹൃദമുണ്ട്. സൗഹൃദം പിന്നെ മറ്റ് ബന്ധത്തിലേക്ക് മാറി. പല സ്ഥലങ്ങളില് തന്നെ കൊണ്ട് പോയി പീഡിപ്പിച്ചു. ഇതിനെല്ലാം തെളിവുണ്ട്. കഴിഞ്ഞ മാസം 14 ന് കോവളം സൂയിസൈഡ് പോയിന്റിന് സമീപത്ത് വെച്ച് തന്നെ ദേഹോപദ്രവം ഏല്പിച്ചു. പരാതി നല്കിയതിന് ശേഷം ഈ മാസം 9 ന് തിരുവനന്തപുരത്തെ വീട്ടില് നിന്നും തന്നെ എംഎല്എ ബലമായി പിടിച്ചിറക്കി. എംഎല്എ തന്നെ കോവളം എസ് എച്ച് ഒക്ക് മുന്നിലെത്തിച്ചു. പരാതി ഒത്ത് തീര്പ്പായെന്ന് എംഎല്എ അറിയിച്ചു. എഴുതി നല്കാന് എസ് എച്ച് ഒ ആവശ്യപ്പെട്ടു. എസ് എച്ച് ഒയുടെ സാന്നിധ്യത്തില് എംഎല്എ ബ്ലാക്ക് മെയില് ചെയ്തവെന്നും ആരോപണമുണ്ട്. കേസെടുക്കാന് ബോധപൂര്വ്വം വൈകി. സമ്മര്ദ്ദം സഹിക്കാനാവാതെയാണ് കഴിഞ്ഞ ദിവസം തമിഴ്നാട്ടിലേക്ക് പോയതെന്നാണ് യുവതി പറയുന്നത്.
അതേസമയം, ഒത്ത് തീര്പ്പാക്കാന് ശ്രമിച്ചെന്ന ആരോപണം കോവളം പൊലീസ് തള്ളി. പരാതി നല്കിയതിന് പിന്നാലെ നിരവധി തവണ ആവശ്യപ്പെട്ടിട്ടും യുവതി മൊഴി നല്കാന് എത്തിയില്ലെന്നാണ് കോവളം പൊലീസ് വിശദീകരണം. കഴിഞ്ഞ മാസം 29നാണ് യുവതി സിറ്റി പൊലീസ് കമ്മീഷണര്ക്ക് പരാതി എംല്എക്കെതരെ പരാതി നല്കിയത്. അതില് ദോഹോപദ്രവും ഏല്പിച്ചു എന്ന് മാത്രമായിരുന്നു പറഞ്ഞത്. മൊഴി എടുക്കല് വൈകുന്നതിനിടെ കഴിഞ്ഞ ദിവസം നാടകീയമായി ഒരു സുഹൃത്ത് യുവതിയെ കാണാനില്ലെന്ന പരാതി വഞ്ചിയൂര് പൊലീസിന് നല്കിയത്.