രാജ്യത്ത് പ്രത്യേക ഉപയോഗത്തിനായി ഡിജിറ്റല് രൂപ (ഇ-രൂപ) ഉടന് അവതരിപ്പിക്കുമെന്ന് റിസര്വ് ബാങ്ക്. സെന്ട്രല് ബാങ്ക് ഡിജിറ്റല് കറന്സി (സിബിഡിസി) പ്രാബല്യത്തില് വരുത്തുന്നതിന് മുന്നോടിയായി പരീക്ഷണാടിസ്ഥാനത്തിലാണ് ഈ നടപടി. ഡിജിറ്റല് രൂപ കള്ളപ്പണം വെളുപ്പിക്കല് തടയുകയും ഇന്ത്യയുടെ ഡിജിറ്റല് സമ്ബദ്വ്യവസ്ഥ ശക്തിപ്പെടുത്തുകയും ധന, പണമിടപാട് സംവിധാനങ്ങള് കൂടുതല് കാര്യക്ഷമമാക്കുമെന്നും ആര്.ബി.ഐ പറഞ്ഞു ( rbi digital currency coming ).
പണം പുറത്തിറക്കാനും ഇടപാടിനുമുള്ള ചെലവ് കുറയുമെന്നുമാണ് കണക്കുകൂട്ടല്. ഡിജിറ്റല് കറന്സി, ഉപയോഗങ്ങള്, നേട്ടങ്ങള് എന്നിവ സംബന്ധിച്ച വിശദീകരണക്കുറിപ്പും ആര്ബിഐ പുറത്തുവിട്ടു. ഇതില് ബാങ്ക് ഇടപാടുകളെ ഇ-രൂപ എങ്ങനെ ബാധിക്കുന്നു, ഉപയോഗ രീതി, സാങ്കേതിക വിദ്യ, പ്രവര്ത്തനം, ഡിജിറ്റല് രൂപയുടെ ഡിസൈന് എന്നിവയുമുണ്ട്. ഡിജിറ്റല് രൂപത്തിലുള്ള കറന്സിയാണെങ്കിലും കറന്സി നോട്ടുകളെപ്പോലെ കൃത്യമായ മൂല്യവും ഇടപാടുകള്ക്ക് നിയമപിന്ബലവുമുണ്ടാകും.
പേപ്പര് കറന്സിയാക്കി മാറ്റാന് കഴിയും. ബാങ്കിന്റെയോ സേവന ദാതാവിന്റെയോ വാലറ്റില് സൂക്ഷിക്കാം. ചില പ്രത്യേക ആവശ്യങ്ങള്ക്ക് പരീക്ഷണാടിസ്ഥാനത്തില് ഉപയോഗിക്കാനാണ് തുടക്കത്തില് അവസരം ലഭിക്കുക. ചെറുകിട ആവശ്യങ്ങള്ക്കായി സെന്ട്രല് ബാങ്ക് ഡിജിറ്റല് കറന്സി- റീട്ടെയില്, വന്കിട ആവശ്യങ്ങള്ക്കായി സെന്ട്രല് ബാങ്ക് ഡിജിറ്റല് കറന്സി- ഹോള്സെയില് എന്നിങ്ങനെ രണ്ട് തരം ഡിജിറ്റല് രൂപയാണുണ്ടാവുക. ഇതില് റീട്ടെയിലാണ് എല്ലാവര്ക്കും ഉപയോഗിക്കാനാവുക. ഹോള്സെയില് ബാങ്കുകള് തമ്മിലുള്ള ഇടപാടുകള്ക്കും സെക്യൂരിറ്റി സെറ്റില്മെന്റിനുമുള്ളതാണ്. രാജ്യത്ത് ഡിജിറ്റല് കറന്സി പുറത്തിറക്കുമെന്ന് ബജറ്റ് പ്രസംഗത്തില് ധനകാര്യമന്ത്രി നിര്മല സീതാരാമന് വ്യക്തമാക്കിയിരുന്നു. 2023 മാര്ച്ച് 31ന് അവസാനിക്കുന്ന ഈ സാമ്ബത്തിക വര്ഷം സ്വന്തം ഡിജിറ്റല് കറന്സി അവതരിപ്പിക്കുകയാണ് ലക്ഷ്യം