പേരില്‍ മാറ്റം വരുത്തി നടന്‍ സുരേഷ് ഗോപി. സമൂഹമാധ്യമങ്ങളില്‍ ആണ് നടന്‍ പേരില്‍ മാറ്റം വരുത്തിയിരിക്കുന്നത്. ഫേസ്ബുക്ക്, ട്വിറ്റര്‍ ഹാന്‍ഡിലുകളില്‍ പേരിന്റെ സ്പെല്ലിംഗില്‍ ഒരു ‘എസ്’ കൂട്ടിച്ചേര്‍ത്തിരിക്കുകയാണ് നടന്‍. ‘Suresh Gopi എന്ന പേര് ‘Suressh Gopi എന്നാണ് മാറ്റിയിരിക്കുന്നത്.
ലെന, റായ് ലക്ഷ്മി, റോമ തുടങ്ങി പല പ്രമുഖ താരങ്ങളും ജ്യൂയിഷ് ബ്യൂമറോളജി പ്രകാരം പേരില്‍ മാറ്റം വരുത്തിയിരുന്നു. നടി ലക്ഷ്മി റായ് പേര് റായ് ലക്ഷ്മി എന്ന് മാറ്റുകയാണ് ഉണ്ടായത്. നടി ലെന ‘Lena’ എന്നതില്‍ നിന്നുമാണ് ‘Lenaa’ എന്ന് മാറ്റിയത്. റോമ ‘Roma’ എന്നതില്‍ നിന്നും ‘Romah’ എന്ന് മാറ്റിയിരുന്നു.
സംവിധായകന്‍ ജോഷിയും സുരേഷ് ഗോപിയും ഏഴ് വര്‍ഷങ്ങള്‍ക്ക് ശേഷം വീണ്ടും ഒന്നിച്ച ‘പാപ്പന്‍’ ആയിരുന്നു നടന്റെ അവസാനം പുറത്തിറങ്ങിയ ചിത്രം. ബോക്സ് ഓഫീസില്‍ 50 കോടി ക്ലബ്ബില്‍ ചിത്രം ഇടം നേടി. ഇതോടെ നീണ്ട ഇടവേളയ്ക്ക് ശേഷം മലയാളത്തില്‍ സജീവമായ സുരേഷ് ഗോപിയുടെ വമ്ബന്‍ ഹിറ്റായി മാറി ചിത്രം.
