ന്യൂഡൽഹി: ഇന്ത്യൻ റെയിൽവേയുടെ വികസനത്തിലെ നാഴികക്കല്ലാണ് വന്ദേ ഭാരത് ട്രെയിൻ എന്ന് തന്നെ പറയാം. വന്ദേ ഭാരത് ട്രെയിനിന്റെ ഏറ്റവും വലിയ പ്രത്യേകത അത് 180 കിലോമീറ്റർ വേഗതയിൽ ഓടുന്നു എന്നതാണ്. മാത്രവുമല്ല അതിവേഗത്തിൽ പായുന്ന ഈ ട്രെയിനിന്റെ മറ്റൊരു പ്രത്യേകത കൂടിയുണ്ട്. കേന്ദ്ര റെയിൽവേ മന്ത്രി അശ്വിനി വൈഷ്ണവ് ഇത് വീഡിയോ ആയി ചിത്രീകരിച്ചു.
180 കിലോമീറ്റർ വേഗതയിൽ സഞ്ചരിക്കുന്ന വന്ദേ ഭാരതിനുള്ളിലെ യാത്ര എത്ര സുഖകരമാണെന്ന് വ്യക്തമാക്കുന്ന വീഡിയോ കേന്ദ്രമന്ത്രി തന്റെ ട്വിറ്റർ പേജിൽ പങ്കുവെച്ചിട്ടുണ്ട്. ഒരു മിനിറ്റ് ദൈർഘ്യമുള്ള വീഡിയോയിൽ, 180 കിലോമീറ്റർ വേഗതയിൽ ട്രെയിൻ സഞ്ചരിക്കുമ്പോൾ വെള്ളം നിറച്ച ഗ്ലാസ് കാണാം, കൂടാതെ സ്പീഡോമീറ്റർ ആപ്ലിക്കേഷനും കാണാം. ട്രെയിനിന്റെ ചലനത്തിനനുസരിച്ച് ഗ്ലാസിലെ വെള്ളം ചെറുതായി ചലിക്കുന്നുണ്ടെങ്കിലും ഒരു തുള്ളി വെള്ളം പോലെ താഴേക്ക് തൂവുന്നില്ല എന്ന് വ്യക്തമായി കാണാം.
വീഡിയോ പങ്കുവെച്ചുകൊണ്ട് മന്ത്രി അശ്വിനി വൈഷ്ണവ് എഴുതി, “മികച്ച യാത്രാനുഭവം. ഗ്ലാസിൽ നോക്കൂ, വെള്ളം 180 കിലോമീറ്റർ വേഗതയിൽ സ്ഥിരമാണ്.” വീഡിയോയിൽ ട്രെയിനിന്റെ വേഗത മണിക്കൂറിൽ 183 കിലോമീറ്ററാണ്. എന്നിരുന്നാലും, അത് ഒരു തുള്ളി വെള്ളം പോലെ ഗ്ലാസിൽ നിന്ന് വീഴുന്നില്ല. അതാണ് വന്ദേ ഭാരതത്തിന്റെ പ്രത്യേകത.
