ലോകമെമ്പാടുമുള്ള നിരവധി കമ്പനികൾ ജോലി വെട്ടിക്കുറയ്ക്കലുകളും പിരിച്ചുവിടലുകളും പ്രഖ്യാപിച്ചിരിക്കുന്ന സമയത്ത്, വികലാംഗരെ (PwDs) ശാക്തീകരിക്കുന്നതിനായി Microsoft ഒരു പുതിയ സംരംഭം പ്രഖ്യാപിച്ചു. വികലാംഗർക്ക് 1,00,000 തൊഴിലവസരങ്ങൾ നൽകുന്നതിന് ലാഭേച്ഛയില്ലാത്ത സ്ഥാപനമായ എനേബിൾ ഇന്ത്യയുമായി മൈക്രോസോഫ്റ്റ് പങ്കാളികളാകും. ‘ഇൻക്ലൂഷൻ ടു ആക്ഷൻ’ എന്നാണ് ഈ സംരംഭത്തിന്റെ പേര്.

വിവിധ സാങ്കേതിക വൈദഗ്ധ്യം, മാർഗനിർദേശം, ഇന്റേൺഷിപ്പ്, തൊഴിൽ സംരംഭങ്ങൾ എന്നിവയിൽ സഹകരിച്ച് പ്രവർത്തിക്കാൻ രാജ്യത്തെ സാമ്പത്തിക സേവനങ്ങൾ, ഉൽപ്പാദനം, റീട്ടെയിൽ, സാങ്കേതിക മേഖലകളിലെ നൂറിലധികം സ്ഥാപനങ്ങൾക്ക് പദ്ധതിയിലൂടെ പ്രാപ്തമാക്കും. പിഡബ്ല്യുഡികൾക്കുള്ള സാങ്കേതിക വൈദഗ്ധ്യവും പരിശീലന പരിപാടികളും മൈക്രോസോഫ്റ്റ് നൽകും.

കേരള സ്പീക്ക്സിനെ പിൻതുടരാനും വാട്സ് അപ്പ് ഗ്രൂപ്പിൽ അംഗമാകാനും ഇവിടെ ക്ലിക്ക് ചെയ്യുക. Whatsapp Group | Google News |Telegram Group

വികലാംഗ സമൂഹത്തിലെ സംരംഭകർ, അഭിഭാഷകർ, വിദഗ്ധർ, നയരൂപകർത്താക്കൾ എന്നിവരുമായി ഇടപഴകുന്നതിനും തൊഴിലവസരങ്ങൾ സൃഷ്ടിക്കുന്നതിനുമുള്ള ശ്രമത്തിന്റെ തുടക്കമാണ് എനേബിൾ ഇന്ത്യയും മൈക്രോസോഫ്റ്റും തമ്മിലുള്ള ഈ അതുല്യമായ സഹകരണമെന്ന് മൈക്രോസോഫ്റ്റ് ഇന്ത്യ പ്രസിഡന്റ് അനന്ത് മഹേശ്വരി പറഞ്ഞു. 85 ശതമാനം ജോലികളും നെറ്റ്‌വർക്കിംഗിലൂടെ നികത്തപ്പെടുന്ന ഈ കാലത്ത് 10 ശതമാനം വികലാംഗർക്ക് എങ്കിലും അവസരങ്ങൾ തുറക്കേണ്ടത് അടിയന്തിര ആവശ്യമാണെന്ന് എനേബിൾ ഇന്ത്യയുടെ സഹസ്ഥാപകൻ ദിപേഷ് സുതാരിയ പറയുന്നു.

ഇവിടെ ക്ലിക്ക് ചെയ്ത് ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക