കാമുകിയുടെ ഭർത്താവിനെ കൊലപ്പെടുത്താൻ കൊട്ടേഷൻ; ഇയാൾ കൊല്ലപ്പെട്ടു എന്നറിഞ്ഞപ്പോൾ പൊലീസിനെ ഭയന്ന് ആത്മഹത്യ: സംഭവം പുറത്തുവന്നത് കൊല്ലപ്പെട്ടു എന്ന് കരുതിയ ആൾ തിരികെയെത്തി പൊലീസിനെ യാഥാർത്ഥ്യങ്ങൾ തോൽപ്പിച്ചപ്പോൾ: ബംഗളൂരു വിരുന്ന് പുറത്തുവരുന്നത് അവിശ്വസനീയമായ ഒരു സംഭവകഥ.

ദൊഡ്ഡബിഡറക്കൽ സ്വദേശി അനുപല്ലവിയുമായി ഹിമവന്ത് ഏറെ നാളായി പ്രണയത്തിലായിരുന്നു. എന്നാൽ അനുപല്ലവി വിവാഹിതയാണെന്നും ഒരുമിച്ച് ജീവിക്കാൻ കഴിയില്ലെന്നും അറിഞ്ഞ് ഇരുവരും ചേർന്ന് ഭർത്താവ് നവീൻ കുമാറിനെ കൊലപ്പെടുത്താൻ പദ്ധതിയിടുന്നു. ഇതിനായി ഇരുവരും ഒന്നര ലക്ഷം രൂപയുടെ ക്വട്ടേഷൻ മൂന്നംഗ സംഘത്തിന് നൽകി. ഇതിൽ 90,000 രൂപ അഡ്വാൻസായി നൽകി.

ടാക്‌സി ഡ്രൈവറായ നവീൻ കുമാറിനെ തട്ടിക്കൊണ്ടുപോയ മൂന്നംഗ ക്വട്ടേഷൻ സംഘം ഇയാളുടെ ഓട്ടം വിളിച്ച് ആളൊഴിഞ്ഞ സ്ഥലത്ത് താമസിപ്പിക്കുകയായിരുന്നു. മണിക്കൂറുകൾ പിന്നിട്ടിട്ടും നവീൻകുമാറിനെ കൊലപ്പെടുത്താൻ ക്വട്ടേഷൻ സംഘത്തിന് ധൈര്യമുണ്ടായില്ല. നവീനോട് സഹതാപം തോന്നിയ കൊലയാളി സംഘം അയാളുമായി സൗഹൃദം സ്ഥാപിച്ച് നവീന്റെ ദേഹത്ത് തക്കാളി സോസ് ഒഴിച്ച് ഫോട്ടോ എടുത്ത് അനുപല്ലവിക്ക് അയച്ചുകൊടുത്തു.

ഫോട്ടോ കണ്ടപ്പോൾ ഹിമവന്തിനും അനുപല്ലവിക്കും പേടിയായി. തങ്ങളെ തേടി പോലീസ് വരുമെന്ന് ഉറപ്പായതിനാൽ ഇരുവരും ഏറെ വിഷമിച്ചു. അറസ്റ്റ് ഭയന്ന് ഹിമവന്ത് വീട്ടിൽ ആത്മഹത്യ ചെയ്തു. ഹിമവന്ത് മരിച്ച് ഒരാഴ്ച കഴിഞ്ഞ് നവീൻ തിരിച്ചെത്തി നടന്നതെല്ലാം പോലീസിനോട് പറഞ്ഞു. എന്നാൽ അനുപല്ലവിക്കെതിരെ കേസെടുക്കരുതെന്ന് അദ്ദേഹം പോലീസിനോട് അഭ്യർത്ഥിച്ചു. ക്വട്ടേഷൻ എടുത്ത മൂന്നു പേർക്കെതിരെ പൊലീസ് കേസെടുത്തു.