മകൾ രാഷ്ട്രീയത്തിലേക്കില്ല; പ്രചരിക്കുന്നത് അഭ്യൂഹങ്ങൾ: പ്രതികരണവുമായി ചലച്ചിത്രതാരം തൃഷയുടെ അമ്മ.

ചെന്നൈ: നടി തൃഷ രാഷ്ട്രീയത്തിലിറങ്ങാൻ ഒരുങ്ങുന്നുവെന്ന വാർത്ത നിഷേധിച്ച് നടി തൃഷയുടെ അമ്മ. തൃഷ കോൺഗ്രസിൽ ചേരുമെന്ന് റിപ്പോർട്ടുകളുണ്ടായിരുന്നു. തൃഷ രാഷ്ട്രീയത്തിലില്ല. റിപ്പോർട്ടുകളെല്ലാം അഭ്യൂഹങ്ങളാണ്. തൃഷയ്ക്ക് രാഷ്ട്രീയത്തിൽ വരാൻ താൽപ്പര്യമില്ലെന്നാണ് അമ്മയുടെ പ്രതികരണം.

പൊന്നിയിൻ സെൽവൻ ആണ് തൃഷയുടെ വരാനിരിക്കുന്ന ചിത്രം. കുന്ദവായി രാജകുമാരിയുടെ വേഷത്തിലാണ് തൃഷ ചിത്രത്തിൽ എത്തുന്നത്. എഴുത്തുകാരൻ കൽക്കി കൃഷ്ണമൂർത്തി എഴുതിയ അതേ പേരിലുള്ള ഒരു ചരിത്ര നോവലിനെ അടിസ്ഥാനമാക്കിയാണ് പൊന്നിയൻ സെൽവൻ.