മുറിവേറ്റ യുവതിയുടെ തലയിൽ മരുന്നിനൊപ്പം കോണ്ടം പായ്ക്കറ്റ് ചേർത്ത് ബാൻഡേജ് കെട്ടി; നഴ്സിന് സസ്പെൻഷൻ: സംഭവം മധ്യപ്രദേശിൽ – വീഡിയോ കാണാം.

തലയ്ക്ക് പരിക്കേറ്റ് ആശുപത്രിയിലെത്തിയ യുവതിയുടെ താത്കാലിക ബാൻഡേജ് മാറ്റിയ ഡോക്ടർ ഞെട്ടി. കാരണം ഒരു കോണ്ടം പാക്കറ്റാണ് മരുന്നിനൊപ്പം മുറിവേറ്റ സ്ഥലത്ത് ഡോക്ടർക്ക് കാണാനായത്. മധ്യപ്രദേശിലെ മൊറേന ജില്ലാ ആശുപത്രിയിലെത്തിയ യുവതിയുടെ തലയിൽ നിന്നാണ് ബാൻഡേജിൽ മരുന്നിനൊപ്പം കോണ്ടം പാക്കറ്റും കണ്ടെത്തിയത്.

മൊറേനയിലെ പോർസ കമ്മ്യൂണിറ്റി ഹെൽത്ത് സെന്ററിലേക്കാണ് രേഷ്മ ബായി എന്ന യുവതി ആദ്യം പോയത്. ഇവിടെയുള്ള നഴ്സ് ഒരു കോണ്ടം ചേർത്ത് ബാൻഡേജ് ചെയ്തു. പരിക്ക് ഗുരുതരമായതിനാൽ രേഷ്മയോട് ജില്ലാ ആശുപത്രിയിലേക്ക് പോകാൻ നിർദ്ദേശിച്ചു.