ഇടുക്കി: ഒന്പതാം ക്ലാസ് വിദ്യാര്ഥിനിയെ ലൈംഗികമായി പീഡിപ്പിച്ചെന്ന പരാതിയില് അധ്യാപകനെതിരെ കേസ്. കട്ടപ്പന പൊലീസ് സ്റ്റേഷന് പരിധിയിലെ സ്കൂളിലാണ് പരാതിക്ക് ആസ്പദമായ സംഭവം. ഈട്ടിത്തോപ്പ് പിരിയംമാക്കല് ഷെല്ലി ജോര്ജിനെതിരെയാണ് കട്ടപ്പന പോലീസ് കേസെടുത്തിരിക്കുന്നത്. ഹോസ്റ്റലില് നിന്ന് പഠിക്കുന്ന വിദ്യാര്ഥിനിയുടെ ശരീരത്തില് പ്രതി കടന്നു പിടിച്ചതായി പരാതിയില് പറയുന്നു.
പൊലീസ് കേസെടുത്തതോടെ പ്രതി ഒളിവില് പോയി. കോണ്ഗ്രസ് അനുകൂല അധ്യാപക സംഘടനയുടെ നേതൃനിരയിലുള്ള ഭാരവാഹിയാണ് ഷെല്ലി ജോര്ജ്. മുന്പ് ബസ് യാത്രയ്ക്കിടയില് യാത്രക്കാരിയോട് സമാന രീതിയില് പെരുമാറിയതിന് എരുമേലി പൊലീസില് പരാതി ലഭിച്ചിരുന്നുവെങ്കിലും രാഷ്ട്രീയ, സംഘടന സ്വാധീനത്താല് കേസ് ഒത്തുതീര്പ്പാക്കുകയായിരുന്നു. പ്രതിക്കായി അന്വേഷണം ഊര്ജിതമാക്കിയതായി പൊലീസ് പറഞ്ഞു.
കേരള സ്പീക്ക്സിനെ പിൻതുടരാനും വാട്സ് അപ്പ് ഗ്രൂപ്പിൽ അംഗമാകാനും ഇവിടെ ക്ലിക്ക് ചെയ്യുക.
Whatsapp Group | Google News |Telegram Group
ഇവിടെ ക്ലിക്ക് ചെയ്ത് ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക