ഒരു കോടി രൂപയുടെ സ്വർണം കോഴിമുട്ടയുടെ രൂപത്തിലാക്കി മലദ്വാരത്തിൽ ഒളിപ്പിച്ച് കടത്താൻ ശ്രമം: നെടുമ്പാശ്ശേരിയിൽ രണ്ട് പേർ അറസ്റ്റിൽ.

 സംസ്ഥാനത്ത് സ്വർണവേട്ട തുടരുന്നു. ചെറുതും വലുതുമായ നിരവധി കേസുകളാണ് കഴിഞ്ഞ ഒരു മാസത്തിനിടെ റിപ്പോർട്ട് ചെയ്തത്. സമാനമായ ഒരു കേസ് ഇന്ന് റിപ്പോർട്ട് ചെയ്തിട്ടുണ്ട്. കൊച്ചി രാജ്യാന്തര വിമാനത്താവളം വഴി അനധികൃതമായി സ്വർണം കടത്താൻ ശ്രമിച്ച രണ്ടുപേർ പിടിയിൽ.

ഒരു കോടിയോളം രൂപയുടെ സ്വർണമാണ് കോഴിമുട്ടയുടെ രൂപത്തിൽ കടത്താൻ ശ്രമിച്ചത്. ഡയറക്ടറേറ്റ് ഓഫ് റവന്യൂ ഇന്റലിജൻസ് നടത്തിയ അന്വേഷണത്തിലാണ് രണ്ടുപേർ പിടിയിലായത്. സംഭവത്തിൽ മലപ്പുറം സ്വദേശികളായ അബ്ദുൾ ഗഫൂർ, അബ്ദുൾ റഷീദ് എന്നിവരാണ് അറസ്റ്റിലായത്.