തിരുവനന്തപുരം: കനത്ത മഴയിൽ സംസ്ഥാനത്തെ ഒട്ടുമിക്ക നദികളും കരകവിഞ്ഞൊഴുകുന്നു. മണിമലയാർ, പമ്പ, അച്ചൻകോവിലാർ, കരമനയാർ നദികൾ അപകടനില മറികടന്ന് ഒഴുകുകയാണ്. മണിമലയാറും കരമനയാറും കരകവിഞ്ഞൊഴുകുകയാണ്. പെരിയാറിലും മൂവാറ്റുപുഴയാറിലും ജലനിരപ്പ് അതിവേഗം ഉയരുകയാണ്. അപകടരേഖയ്ക്ക് മുകളിലാണ് ജലനിരപ്പ്. പാലക്കാട് ഗായത്രിപ്പുഴയും വൃത്തിയാക്കിയിട്ടുണ്ട്. മണിമലയാറും കരമനയാറും കരകവിഞ്ഞൊഴുകുകയാണ്. പെരിയാറിലും മൂവാറ്റുപുഴയാറിലും ജലനിരപ്പ് അതിവേഗം ഉയരുകയാണ്. അപകടരേഖയ്ക്ക് മുകളിലാണ് ജലനിരപ്പ്. പാലക്കാട് ഗായത്രിപ്പുഴയും വൃത്തിയാക്കിയിട്ടുണ്ട്.
സംസ്ഥാനത്തെ അഞ്ച് നദീതീരങ്ങളിൽ വെള്ളപ്പൊക്ക മുന്നറിയിപ്പ് നൽകിയിട്ടുണ്ട്. പുല്ലക്കയാർ, മാടമൺ, കല്ലൂപ്പാറ, വെള്ളക്കടവ്, അരുവിപ്പുറം എന്നിവിടങ്ങളിൽ വെള്ളപ്പൊക്ക മുന്നറിയിപ്പ് നൽകിയിട്ടുണ്ട്. കേന്ദ്ര ജല കമ്മീഷനാണ് വെള്ളപ്പൊക്ക മുന്നറിയിപ്പ് നൽകിയത്. അതീവ ജാഗ്രതാ നിർദേശവും നൽകിയിട്ടുണ്ട്. കോട്ടയം പാലാ കോട്ടാർമാട് ഭാഗം വെള്ളത്തിൽ മുങ്ങി. കാഞ്ഞിരപ്പള്ളി കരിമ്പുകയം ക്രോസ് വേയിലും വീടുകളിലും വെള്ളം കയറി. കൂടിക്കൽ മ്ലാക്കരയിൽ പാലം ഒലിച്ചുപോയ മൂന്നു കുടുംബങ്ങളിലെ 10 പേരെ രക്ഷപ്പെടുത്തി.
പെരിയാർ കരകവിഞ്ഞൊഴുകിയതിനെ തുടർന്ന് ആലുവശിവ ക്ഷേത്രം മുങ്ങി. ആലുവ മൂന്നാർ റോഡിലും വെള്ളം കയറി. ഏലൂർ കുറ്റിക്കാട്ടുകരയിൽ പെരിയാർ കരകവിഞ്ഞൊഴുകിയതിനെ തുടർന്ന് 40 കുടുംബങ്ങളെ മാറ്റിപ്പാർപ്പിച്ചു. കോതമംഗലം ടൗൺ, തങ്കളം ബൈപാസ്, മണികണ്ഠൻചാൽ, കുടമുണ്ട പാലം എന്നിവിടങ്ങളിൽ വെള്ളം കയറി. വെള്ളപ്പൊക്കത്തെ തുടർന്ന് മൂവാറ്റുപുഴ കൊച്ചങ്ങാടിയിൽ നിന്ന് ആളുകളെ ഒഴിപ്പിച്ചു. പാലക്കാട് ഗായത്രിപ്പുഴ കരകവിഞ്ഞൊഴുകിയതിനെ തുടർന്ന് ആലമ്പള്ളം ചപ്പാത്ത് വെള്ളത്തിനടിയിലായി.
നെല്ലിയാമ്പതിയിൽ കനത്ത മഴയിൽ പുഴയിൽ 100 മീറ്ററോളം ജലനിരപ്പ് ഉയർന്നു. ചെറുനെല്ലിക്കും ഇരുമ്പുപാലത്തിനും സമീപം ഉരുൾപൊട്ടലുണ്ടായി. കൊല്ലം കുളത്തൂപ്പുഴ 50 ഏക്കർ പാലം വെള്ളത്തിലായി. അപ്പർ കുട്ടനാട്ടിലും വെള്ളപ്പൊക്കം രൂക്ഷമാണ്. തലവടി, മുട്ടാർ പഞ്ചായത്തുകളിൽ വെള്ളം കയറി. ചെങ്ങന്നൂർ, മല്ലപ്പള്ളി, തിരുവല്ല താലൂക്കുകളിലായി 100 കുടുംബങ്ങളെ മാറ്റിപ്പാർപ്പിച്ചു. ആറന്മുളയിൽ പമ്പാനദി കരകവിഞ്ഞൊഴുകി. കോഴിക്കോട് പെരുവണ്ണാമൂഴിയിൽ നീരൊഴുക്ക് വർധിച്ചു. കുറ്റിയാടി പുഴയിൽ ജാഗ്രതാ നിർദേശം നൽകിയിട്ടുണ്ട്.
അഗസ്ത്യവനത്തിലും കനത്ത മഴ തുടരുകയാണ്. മലവെള്ളപ്പാച്ചിലിൽ റോഡുകൾ തകർന്നു. ആദിവാസി മേഖലകൾ ഒറ്റപ്പെട്ടു. ഇടുക്കി ചിത്തിരപുരത്ത് ഉരുൾപൊട്ടലിൽ യുവതിക്ക് ഗുരുതരമായി പരിക്കേറ്റു. മണ്ണിടിച്ചിലിൽ വീടിന്റെ ഭിത്തി ഇടിഞ്ഞുവീണ് വാലിപ്പാടത്ത് വീട്ടിൽ ആലീസ് ജോയിക്ക് പരിക്കേറ്റു. നെല്ലിയാമ്പതിയിൽ ഉരുൾപൊട്ടലുണ്ടായി. മണലാരു എസ്റ്റേറ്റ് ലില്ലി കാരപ്പാടിയിൽ ഉരുൾപൊട്ടലുണ്ടായി. ഇതേത്തുടർന്ന് നെല്ലിയാമ്പാടി നൂറടിപ്പുഴയോരത്ത് താമസിക്കുന്നവരെ മാറ്റിപ്പാർപ്പിച്ചു. നെല്ലിയാമ്പതിയിലേക്കുള്ള വിനോദ സഞ്ചാരികൾക്കും നിയന്ത്രണം ഏർപ്പെടുത്തിയിട്ടുണ്ട്. ചാലക്കുടിപ്പുഴയും കരകവിഞ്ഞൊഴുകുകയാണ്.
