കൊച്ചി: അമിത ലഹരിയില് വാഹനമോടിച്ച് നിരവധി വാഹനങ്ങള് ഇടിപ്പിച്ചു തെറിപ്പിച്ച സംഭവത്തില് സിനിമാ- സീരിയല് താരം അശ്വതി ബാബുവിനെയും സുഹൃത്ത് നൗഫലിനെയും പൊലീസ് കസ്റ്റഡിയിലെടുത്തു. ചൊവ്വാഴ്ച വൈകിട്ട് 7.30 മണിയോടെയാണ് തൃക്കാക്കര ക്ഷേത്രത്തിന് സമീപം നാട്ടുകാരുടെ സഹായത്തോടെ പൊലീസ് ഇവരെ പിടികൂടിയത്.കുസാറ്റ് സിഗ്നല് മുതല് തൃക്കാക്കര ക്ഷേത്രം വരെ അപകടകരമായി ഡ്രൈവ് ചെയ്ത കാര് നിരവധി വാഹനങ്ങള് ഇടിച്ചു തെറിപ്പിച്ചു.
നാട്ടുകാര് തൃക്കാക്കര ക്ഷേത്രത്തിനു സമീപത്തു വാഹനം തടയാന് ശ്രമിച്ചതോടെ വെട്ടിച്ചെടുത്തു രക്ഷപെടാന് നോക്കിയെങ്കിലും ഇലക്ട്രിക് പോസ്റ്റിലിടിച്ച് ടയര് പൊട്ടിയതിനെ തുടര്ന്നു നടന്നില്ല. ഇതോടെ വാഹനം ഉപേക്ഷിച്ചു രക്ഷപെടാനായി ശ്രമം. നാട്ടുകാര് ഇവരെ വളഞ്ഞപ്പോള് ഡ്രൈവര് സീറ്റില് നിന്നും ഇറങ്ങി വന്ന നൗഫല് നാട്ടുകാരെ കയ്യേറ്റം ചെയ്യാന് ശ്രമിക്കുകയും ചെയ്തു. നാട്ടുകാരുടെ വീഡിയോ ദൃശ്യം പകര്ത്തിയ ശേഷം ഭീഷണിമുഴക്കുകയും ചെയ്തു.
ഇതിനിടെ നാട്ടുകാര് അറിയിച്ചതിനെ തുടര്ന്നു തൃക്കാക്കര പൊലീസ് സ്ഥലത്തെത്തി ഇരുവരെയും കസ്റ്റഡിയിലെടുത്തു. കാറില് നിന്നും ഇറങ്ങിയ അശ്വതിയും നൗഫലും സീപോര്ട്ട് എയര്പോര്ട്ട് റോഡിന്റെ ഭാഗത്തേക്ക് രക്ഷപെടാനാണ് ശ്രമിച്ചത്. പൊലീസ് ഇവരുടെ പിന്നാലെ ചെന്ന് പിടികൂടുകയായിരുന്നു. ഇരുവരും ലഹരി ഉപയോഗിച്ചിരുന്നതായാണ് വിവരം.
കുസാറ്റ് സിഗ്നലില് വാഹനം നിര്ത്തി മുന്നോട്ടും പിന്നോട്ടും എടുത്ത് അഭ്യാസം കാണിച്ചതോടെയാണ് നാട്ടുകാര് ശ്രദ്ധിച്ചത്. അവിടെ നിന്നു വാഹനം എടുത്തപ്പോള് മുതല് പല വാഹനങ്ങളില് ഇടിച്ചെങ്കിലും നിര്ത്താതെ പോയി. തുടര്ന്നാണ് പിന്തുടര്ന്നു വന്ന ഒരാള് വാഹനം വട്ടം വച്ചു തടഞ്ഞു നിര്ത്താന് ശ്രമിച്ചത്. ഇതില് അരിശം പൂണ്ട് റോഡിനു പുറത്തുകൂടി വാഹനം എടുക്കാന് ശ്രമിക്കുമ്ബോഴാണ് ടയര് പൊട്ടി വാഹനം ഉപേക്ഷിക്കേണ്ട സാഹചര്യമുണ്ടായത്.
ആളുകള് വട്ടം കൂടിയതോടെ അശ്വതി ബാബുവിനു കാര്യങ്ങള് പന്തിയല്ലെന്നു മനസിലായി നൗഫലിനെ സ്ഥലത്തു നിന്നു മാറ്റാന് ശ്രമിച്ചു. ഇരുവരും അടുത്തുള്ള സ്കൂളിന്റെ ഭാഗത്തേയ്ക്കു പോയെങ്കിലും പൊലീസെത്തി നൗഫലിനെ പിടികൂടി. യുവതിക്കായി പൊലീസ് നടത്തിയ അന്വേഷണത്തില് ഇവരെ കണ്ടെത്തുകയായിരുന്നു. തുടര്ന്നു സ്റ്റേഷനിലെത്തിച്ചു അറസ്റ്റു രേഖപ്പെടുത്തിയിട്ടുണ്ട്. മെഡിക്കല് പരിശോധനകള്ക്കു ശേഷം കോടതിയില് ഹാജരാക്കുമെന്നു പൊലീസ് പറഞ്ഞു.
നിരോധിത മയക്കുമരുന്നുമായി 2018 ല് തൃക്കാക്കര പൊലീസ് അശ്വതി ബാബുവിനെ പിടികൂടിയിട്ടുണ്ടായിരുന്നു. ഇവര് പെണ്വാണിഭ സംഘത്തിന്റെ പ്രധാന നടത്തിപ്പുകാരിയാണെന്ന് അന്ന് പൊലീസ് അന്വേഷണത്തില് കണ്ടെത്തിയിരുന്നു. പാലച്ചുവടിലെ ഡി.ഡി ഗോള്ഡന് ഗേറ്റ് എന്ന ഫ്ളാറ്റിലെ നടിയുടെ അപ്പാര്ട്ട്മെന്റിലാണ് വാണിഭം നടന്നിരുന്നത്. ഇത് സംബന്ധിച്ച മുഴുവന് രേഖകള് പൊലീസ് അന്ന് ശേഖരിച്ചിരുന്നു. ഇവരുടെ ഫോണ് പരിശോദിച്ചപ്പോഴാണ് പലര്ക്കും യുവതികളെ കാഴ്ച്ച വയ്ക്കുന്ന വിവരം കണ്ടെത്തിയത്. ശബ്ദ സന്ദേശങ്ങള്ക്കൊപ്പം യുവതികളുടെ ചിത്രങ്ങള് ഉള്പ്പെടുത്തി നിരക്കും അറിയിച്ച സന്ദേശങ്ങളും പൊലീസ് കണ്ടെത്തി. കൂടാതെ പലര്ക്കൊപ്പം അശ്വതി ബാബുവും നിരവധി യുവതികളും ലൈംഗിക ബന്ധത്തില് ഏര്പ്പെടുന്ന വീഡിയോ ദൃശ്യങ്ങളും മൊബൈലില് നിന്നും കണ്ടെടുത്തു. അശ്വതിയെ അറസ്റ്റ് ചെയ്യുമ്ബോള് മുംബൈ സ്വദേശിനിയായ 22 കാരിയെ പൊലീസ് ഫ്ളാറ്റില് നിന്നും കസ്റ്റഡിയിലെടുത്തിരുന്നു.
വമ്ബന്മാരുമായിട്ടാണ് നടി ബിസിനസ്സ് നടത്തിയിരുന്നത്. സിനിമാ സീരിയല് രംഗത്ത് പ്രവര്ത്തിക്കുന്നു എന്ന പേരിലാണ് പെണ്വാണിഭം നടത്തി വന്നത്. നിരവധി പെണ്കുട്ടികളെ ബാംഗ്ലൂര്, മഹാരാഷ്ട്ര, ആന്ധ്ര എന്നിവടങ്ങളില് നിന്നും കൊച്ചിയിലെത്തിച്ചിരുന്നു. പെണ്വാണിഭത്തിനായി പ്രത്യേക വാട്ട്സാപ്പ് കൂട്ടായ്മയും രൂപീകരിച്ചിട്ടുണ്ട്. തിരുവനന്തപുരം സ്വദേശിനിയായ അശ്വതി മോഹന്ലാലിന്റെ വെളിപാടിന്റെ പുസ്തകം, സുവര്ണ്ണ പുരുഷന് എന്നീ സിനിമയിലും ഭാഗ്യദേവത എന്ന സീരിയലിലും അഭിനയിച്ചിട്ടുണ്ട്. അഭിനയ രംഗത്തേക്ക് പ്രവേശിക്കുവാനായിട്ടാണ് കൊച്ചിയില് ഇവര് താമസം ആരംഭിച്ചത്. പിന്നീട് മയക്കുമരുന്ന് കടത്തിലേക്കും പെണ്വാണിഭത്തിലേക്കും പോകുകയായിരുന്നു. 2016ല് ദുബായില് ലഹരി ഉപയോഗിച്ചതിനു പിടിയിലായിട്ടുണ്ട്. 2018ല് എം.ഡി.എം.എയുമായി പൊലീസ് പിടിയിലായ ഇവര് ജയിലിലായെങ്കിലും പുറത്തെത്തിയതോടെ ലഹരി ഉപയോഗം അവസാനിപ്പിച്ചിരുന്നില്ലെന്നാണ് അടുപ്പമുള്ളവര് പറയുന്നത്.