കണ്ണൂര്‍: സെന്‍ട്രല്‍ ജയിലില്‍ പോക്‌സോ കേസ് പ്രതിയെ തൂങ്ങിമരിച്ച നിലയില്‍ കണ്ടെത്തി. മാനന്തവാടി ഗോദാപുരി കോളനിയിലെ വേലുവിന്റെ മകന്‍ ബിജു (37) വിനെയാണ് തൂങ്ങിമരിച്ച നിലയില്‍ കണ്ടെത്തിയത്. ഇന്നലെ രാവിലെ ഉദ്യോഗസ്ഥര്‍ തടവുകാരുടെ എണ്ണമെടുക്കാന്‍ നോക്കിയപ്പോള്‍ ബിജുവിനെ കണ്ടില്ല. തുടര്‍ന്ന് നടത്തിയ തിരച്ചിലിലാണ് ബിജുവിനെ വാര്‍ഡില്‍ തൂങ്ങിയ നിലയില്‍ കണ്ടെത്തിയത്.
ഉടന്‍ ജില്ലാ ആശുപത്രിയിലെത്തിച്ചെങ്കിലും വഴിമദ്ധ്യേ മരണപ്പെടുകയായിരുന്നു. ടി.ബി രോഗിയായതിനാല്‍ ബിജുവിനെ ഒറ്റയ്ക്ക് ഒരു വാര്‍ഡിലായിരുന്നു താമസിപ്പിച്ചിരുന്നത്. കഴിഞ്ഞ ഫെബ്രുവരിയിലാണ്‌ പോക്‌സോ കേസ് പ്രതിയായ ബിജു കണ്ണൂര്‍ സെന്‍ട്രല്‍ ജയിലിലെത്തിയത്.
കേരള സ്പീക്ക്സിനെ പിൻതുടരാനും വാട്സ് അപ്പ് ഗ്രൂപ്പിൽ അംഗമാകാനും ഇവിടെ ക്ലിക്ക് ചെയ്യുക.
Whatsapp Group | Google News |Telegram Group
ഇവിടെ ക്ലിക്ക് ചെയ്ത് ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക
