തിരുവനന്തപുരം: കഴിഞ്ഞവര്ഷത്തെ പൊതുപരീക്ഷ ഫലത്തെ പ്രസംഗത്തില് ‘ട്രോളി’ പൊതുവിദ്യാഭ്യാസ മന്ത്രി വി. ശിവന്കുട്ടി. ദേശീയ അടിസ്ഥാനത്തില് വലിയ തമാശയായിരുന്നെന്നായിരുന്നു മന്ത്രിയുടെ പരാമര്ശം. കഴിഞ്ഞവര്ഷം എസ്.എസ്.എല്.സി പരീക്ഷയില് 1,25,509 കുട്ടികള്ക്കാണ് എ പ്ലസ് ലഭിച്ചത്.
ഇത്തവണ 99 ശതമാനം വിജയമാണെങ്കില് പോലും എ പ്ലസിന്റെ കാര്യത്തിലൊക്കെ നിലവാരമുള്ള ഫലമായിരുന്നുവെന്നതില് തര്ക്കമില്ല. ഹയര് സെക്കന്ഡറി ഫലത്തിനും അതേ നിലവാരമുണ്ടെന്നും മന്ത്രി പറഞ്ഞു. ഈ വര്ഷത്തെ എസ്.എസ്.എല്.സി, ഹയര് സെക്കന്ഡറി ഫലങ്ങള് ദേശീയതലത്തില്തന്നെ അംഗീകാരമുള്ള രീതിയിലാക്കാന് വിദ്യാഭ്യാസവകുപ്പ് ജാഗ്രത പുലര്ത്തിയെന്നും മന്ത്രി കൂട്ടിച്ചേര്ത്തു.
സ്കൂള്വിക്കി അവാര്ഡ് വിതരണ ചടങ്ങിലെ അധ്യക്ഷ പ്രസംഗത്തിനിടെയാണ് കഴിഞ്ഞവര്ഷത്തെ പരീക്ഷഫലത്തിന്റെ നിലവാരക്കുറവ് പരോക്ഷമായി മന്ത്രി തന്നെ സമ്മതിച്ചത്. 2021ല് മന്ത്രിയായി ചുമതലയേറ്റ ശേഷം ശിവന്കുട്ടി നടത്തിയ ആദ്യ എസ്.എസ്.എല്.സി ഫലപ്രഖ്യാപനത്തെയാണ് ‘ദേശീയ തമാശ’യെന്ന് അദ്ദേഹം തന്നെ വിശേഷിപ്പിച്ചത്.