ടെലിവിഷൻ സീരിയലുകളിലൂടെ തുടക്കം കുറിച്ച് പിന്നീട് ഹാസ്യപരിപാടിയിൽ തിളങ്ങി ശേഷം സിനിമയിലേക്ക് എത്തിയ താരമാണ് നടി ആര്യ ബാബു. ബഡായ് ബംഗ്ലാവ് എന്ന സൂപ്പർഹിറ്റ് കോമഡി പ്രോഗ്രാമിലൂടെ ജനങ്ങളുടെ പ്രിയങ്കരിയായി മാറിയ ആര്യയ്ക്ക് അതിലൂടെ തന്നെ സിനിമയിലേക്ക് അഭിനയിക്കാനും അവസരം ലഭിച്ചു. നിരവധി സിനിമകളിൽ അഭിനയിക്കുകയും ചെയ്തു ആര്യ.
തന്റെ കരിയറിൽ ഇത്രയും വിജയകരമാകാൻ കാരണം അച്ഛനാണെന്ന് മിക്കപ്പോഴും ആര്യ പങ്കുവച്ചിട്ടുണ്ടായിരുന്നു. അച്ഛന്റെ വിയോഗം ആര്യയെ ഒരുപാട് വിഷമിപ്പിക്കുകയും ചെയ്തിരുന്നു. 2018-ലായിരുന്നു ആര്യയുടെ അച്ഛൻ മരിച്ചത്. ഇപ്പോഴിതാ അച്ഛന്റെ അവസാനത്തെ ആഗ്രഹം സഫലമാകാൻ പോകുന്നതിന്റെ സന്തോഷം തന്റെ ആരാധകരുമായി പങ്കുവച്ചിരിക്കുകയാണ് ആര്യ.
ആര്യയുടെ അനിയത്തി അഞ്ജന സതീഷ് വിവാഹിതയാകാൻ പോകുന്നതിന്റെ സന്തോഷമാണ് ആര്യ പങ്കുവച്ചത്. ഇരുവരുടെയും സേവ് ദി ഡേറ്റ് വീഡിയോയാണ് ആര്യ പോസ്റ്റ് ചെയ്തത്. “ഇത് എന്റെ ഹൃദയം. ഇതാ എന്റെ അച്ഛന്റെ അവസാനത്തെ ആഗ്രഹം സഫലമാകുന്നു. ഈ സാക്ഷാത്കരിക്കപ്പെടുന്ന എന്റെ ഏറ്റവും വലിയ സ്വപ്നങ്ങളിൽ ഒന്നാണ്. ഇത് എന്റെ കഠിനാധ്വാനത്തിന്റെ ഒരുപാട് ദിനരാത്രങ്ങളാണ്.
