തിരുവനന്തപുരം : 2002 ലെ ഗുജറാത്ത് കലാപത്തില് പ്രധാനമന്ത്രിക്ക് ക്ലീന് ചിറ്റ് നല്കിയ നടപടി ശരിവച്ച് സുപ്രിംകോടതി. നാനാവതി മേത്ത കമ്മീഷന് റിപ്പോര്ട്ട് സുപ്രിം കോടതി അംഗികരിച്ചു. സാക്കിയ ജാഫ്രിയുടെ ആരോപണങ്ങളും കോടതി തള്ളി. കലാപത്തെ കുറിച്ച് അന്വേഷിക്കാന് അന്നത്തെ ഗുജറാത്ത് മുഖ്യമന്ത്രിയായിരുന്ന നരേന്ദ്ര മോദിയാണ് 2002 ല് നാനാവതി കമ്മീഷനെ നിയമിച്ചത്.
ജസ്റ്റിസുമാരായ എ എം ഖാന്വില്ക്കര്, ദിനേഷ് മെഹേശ്വരി, സി ടി രവികുമാര് എന്നിവരടങ്ങിയ ബെഞ്ചാണ് വിധി പറഞ്ഞത്. കേസില് വാദം പൂര്ത്തിയാക്കി 2021 ഡിസംബര് 9 നാണ് വിധി പറയാന് മാറ്റിയത്. കോണ്ഗ്രസ് നേതാവ് എഹ്സാന് ജാഫ്രിയുടെ ഭാര്യ സാക്കിയ ജാഫ്രി, 2002ലെ അഹമ്മദാബാദിലെ ഗുല്ബര്ഗ് ഹൗസിംഗ് സൊസൈറ്റി കലാപക്കേസില് നരേന്ദ്രമോദി ഉള്പ്പെടെയുള്ളവര്ക്കെതിരെ ഹര്ജി നല്കിയിരുന്നു.അന്നത്തെ ഗുജറാത്ത് മുഖ്യമന്ത്രിയായ മോദിക്ക് പ്രത്യേക അന്വേഷണ സംഘം ക്ലീന് ചിറ്റ് നല്കുകയായിരുന്നു.