നെടുമ്ബാശ്ശേരി: കൊച്ചി വിമാനത്താവളത്തിലേക്ക് വന്ന കാര് നിയന്ത്രണം വിട്ട് മറിഞ്ഞുണ്ടായ അപകടത്തില് യുവാവ് മരിച്ചു. ബന്ധുക്കളായ മൂന്ന് പേര്ക്ക് പരിക്കേറ്റു. കോട്ടയം ചങ്ങനാശേരി കരിങ്ങട വീട്ടില് അലന് ആന്റണി (28) ആണ് മരിച്ചത്.
കാറിലുണ്ടായിരുന്ന അലന്റെ ബന്ധുക്കളായ കരിങ്ങട ജഫ്രി തോമസ് (23), ആന്റണി തോമസ് (34), ചങ്ങനാശേരി ചെട്ടിക്കാട്ട് ഷെജി വര്ഗീസ് (27) എന്നിവര്ക്കാണ് പരിക്കേറ്റത്. ജഫ്രിയെ വിദേശത്തേക്ക് യാത്രയയയ്ക്കാന് കാറിലെത്തിയതാണ് അലനും മറ്റുള്ളവരും. ഇന്നലെ വൈകീട്ട് 5.30ഓടെ കൊച്ചി അന്താരാഷ്ട്രവിമാനത്താവളത്തിന് മുന്നിലായിരുന്നു അപകടം.
കാര് നിയന്ത്രണം വിട്ട് ബാരിക്കേഡില് ഇടിച്ച് തലകീഴായി മറിയുകയായിരുന്നു. അലന് കാറില് നിന്നു തെറിച്ചുവീണു. നാലു പേരെയും ഉടന് അങ്കമാലിയിലെ സ്വകാര്യ ആശുപത്രിയിലെത്തിച്ചെങ്കിലും അലന് മരിച്ചു.
മറ്റു മൂന്ന് പേരുടെ പരിക്ക് ഗുരുതരമല്ല. അലന്റെ മൃതദേഹം പോസ്റ്റ്മോര്ട്ടം നടപടികള്ക്കായി ആശുപത്രി മോര്ച്ചറിയില് സൂക്ഷിച്ചിരിക്കുകയാണ്. അലന്റെ പിതാവ് ഷാജി ആറ് വര്ഷം മുമ്ബ് എംസി റോഡിലുണ്ടായ വാഹനാപകടത്തില് മരിച്ചിരുന്നു. അമ്മ: ബിന്സി. സഹോദരന്: അനില്.