തങ്ങള്ക്കെതിരെയുള്ള കുറ്റകൃത്യങ്ങള് വര്ധിച്ചതോടെ സ്ത്രീകള് അവരുടെ മാനം സ്വയം സംരക്ഷിക്കാനും നേരിടാനും പ്രതിരോധ മാര്ഗങ്ങളും അവലംബിച്ച് തുടങ്ങിയിരിക്കുന്നു. സ്ത്രീ സുരക്ഷയും സംരക്ഷണവും ഉറപ്പാക്കാന് നിരവധി കര്ശന നിയമങ്ങള് നിലവിലുണ്ട്. എന്നിരുന്നാലും, ഇന്ഡ്യയില് മാത്രമല്ല, ലോകമെമ്ബാടും സ്ത്രീകള്ക്കെതിരായ കുറ്റകൃത്യങ്ങള് ഉണ്ടായിട്ടുണ്ട്.
ഇത്തരമൊരു സാഹചര്യത്തിനിടയില്, തങ്ങളെ ശല്യപ്പെടുത്താന് ശ്രമിക്കുന്ന ആരെയും നേരിടാന് പെണ്കുട്ടികളും സ്ത്രീകളും സ്വയം പ്രതിരോധത്തിനായി പരിശീലിക്കുന്നത് നല്ലതാണ്. അത്തരത്തില് ഉപദ്രവിക്കാന് വന്നിരിക്കുന്ന ആളുകളെ ഒറ്റയ്ക്ക് നേരിടുന്ന ഒരു യുവതിയുടെ ദൃശ്യങ്ങളാണ് ഇപ്പോള് പുറത്തുവന്നിരിക്കുന്നത്. ആറ് പേരുമായി ഒറ്റയ്ക്ക് വഴക്കിടുന്ന യുവതിയുടെ ഒരു വീഡിയോ സോഷ്യല് മീഡിയയില് വൈറലായിരിക്കുകയാണ്. ആ സ്ത്രീ ഒരു കടുവയെപ്പോലെ തിരിച്ചടിക്കുകയും തന്റെ മികച്ച കഴിവുകള് ഉപയോഗിച്ച് ആറ് പുരുഷന്മാരെയും തല്ലി നിലംപരിശാക്കുകയും ചെയ്തു.
തെരുവില് ഒറ്റപ്പെട്ട സ്ത്രീയെ ആറ് പുരുഷന്മാര് ശല്യം ചെയ്യുന്നത് പുറത്തുവന്ന വീഡിയോയില് കാണാം. എന്നിരുന്നാലും, ധീരയായ സ്ത്രീ തിരിച്ചടിക്കുകയും ഒരു ഫ്ലയിംഗ് കിക് ഉള്പെടെയുള്ള ചില മികച്ച ആയോധന കലകള് കാണിക്കുകയും ചെയ്യുന്നു. അവള് ഓരോന്നായി എല്ലാ പുരുഷന്മാരെയും അവളുടെ കാലുകള് കൊണ്ട് നിരന്തരം അടിച്ചും തൊഴിച്ചും താഴെ വീഴ്ത്തുന്നു.
സംഭവത്തിന്റെ വിശദാംശങ്ങളോ സ്ഥലമോ ഇതുവരെ അറിവായിട്ടില്ല. TheFigen എന്ന ട്വിറ്റര് ഉപയോക്താവാണ് 25 സെകന്ഡ് ദൈര്ഘ്യമുള്ള വീഡിയോ ഷെയര് ചെയ്തിരിക്കുന്നത്. ‘പെണ്കുട്ടിയുമായി കലഹിക്കരുത്! Hiyaaaaaaaaaaaaa!’ എന്നാണ് വീഡിയോയ്ക്ക് തലക്കെട്ടും നല്കിയിരിക്കുന്നത്.
വീഡിയോ ഓണ്ലൈനില് പങ്കിട്ടതിന് പിന്നാലെ 3.5 ദശലക്ഷത്തിലധികം വ്യൂവും 48600 ലൈകുകളും നേടി. അവളുടെ ധീരതയും കരുത്തും കണ്ട് നെറ്റിസന്സിന്റെ കണ്ണ് തള്ളിയിരിക്കുകയാണ്. സ്ത്രീകളുടെ സുരക്ഷിതത്വത്തില് ആശങ്കയും അതൃപ്തിയും പ്രകടിപ്പിക്കുകയാണ് ചിലര്.
‘അടിസ്ഥാനപരമായി, നിങ്ങള്ക്ക് ഒന്നും അറിയാത്ത ആരുമായും കുഴപ്പമുണ്ടാക്കരുത്.’- ഒരു ഉപയോക്താവ് എഴുതി. ‘സ്ത്രീകള്ക്ക് ധൈര്യം വളര്ത്തുന്നതിനും തെരുവ് കുറ്റകൃത്യങ്ങള്ക്കും ഭീഷണിപ്പെടുത്തലുകള്ക്കുമെതിരെ അവരുടെ ശക്തി ഉപയോഗിക്കുന്നതിനും മികച്ച ഉദാഹരണമാണിത്. സ്വന്തം അന്തസിനുവേണ്ടി പോരാടുന്ന അവളുടെ ധീരതയെ ഞാന് അഭിനന്ദിക്കുന്നു.’- മറ്റൊരാള് അഭിപ്രായപ്പെട്ടു.