അമിതവേഗവും, ഗുണ്ടായിസവും കൊണ്ട് കുപ്രസിദ്ധിയാർജ്ജിച്ച കോട്ടയത്തെ ആവേ മരിയ ബസ് സർവീസിന് കുടുംബശ്രീയിലെ അമ്മമാർ വക ചൂലെടുത്ത് താക്കീത് ; പ്രതിഷേധവും ബോധവൽക്കരണവും ആവേ മരിയ ഇടിച്ച് 18 കാരിയായ പെൺകുട്ടി മരണപ്പെട്ടതിനെ തുടർന്ന്.

കോട്ടയം : കോട്ടയത്ത് അമിതവേഗവും, ഗുണ്ടായിസവും കൊണ്ട് കുപ്രസിദ്ധിയാർജ്ജിച്ച ആവേ മരിയ ബസ്സ് സർവീസിന് ചൂലുമായി താക്കീത് നൽകി ഏറ്റുമാനൂരിലെ വീട്ടമ്മമാർ. റോഡുകൾ കുരുതിക്കളമാക്കരുതെന്നു സ്വകാര്യ ബസ് ഡ്രൈവർമാർക്ക് മുന്നറിയിപ്പു നൽകിയും , ചോര വീഴുവാൻ ഉള്ളതല്ല റോഡുകൾ എന്ന് ഓർമിപ്പിച്ചും കുടുംബശ്രീയുടെ നേതൃത്വത്തിലാണ് അമ്മമാരുടെ വേറിട്ട പ്രതിഷേധം അരങ്ങേറിയത്. പൊലീസിന്റെയും ജനപ്രതിനിധികളുടെയുo സാന്നിധ്യത്തിൽ ഡ്രൈവർമാർക്ക്  ബോധവൽക്കരണം നടത്തിയാണ് ഇവർ റോഡ് സുരക്ഷ സന്ദേശം നൽകിയത്.

കഴിഞ്ഞ ദിവസം എറണാകുളം റൂട്ടിൽ സർവീസ് നടത്തുന്ന ആവേ മരിയ ബസിടിച്ച പതിനെട്ടുകാരി മരിച്ചിരുന്നു. മണിമല മുക്കട കൊച്ചു കാലായിൽ സനില ( 18 ) യാണ് ദാരുണമായി കൊല്ലപെട്ടത്. ഇതേ തുടർന്നാണ് ഏറ്റുമാനൂർ എറണാകുളം റോഡിലെ സ്ഥിരം അപകട മേഖലയായ കാണക്കാരി പള്ളിപ്പടി ജംഗ്ഷനിൽ വേറിട്ട പ്രതിഷേധം അരങ്ങേറിയത്.  അമിതവേഗതയിൽ ഓടുന്ന  സ്വകാര്യ  ബസുകൾ ഭീതി പരത്തുന്നുവെന്ന് ഇവർ പറയുന്നു.