നടി മഞ്ജുഷ നിയോഗിയെ തൂങ്ങിമരിച്ചനിലയിൽ കണ്ടെത്തി; രണ്ടുദിവസം മുമ്പ് മരിച്ച സുഹൃത്തും, മോഡലുമായ ബിദിഷയുടെ മരണത്തെതുടർന്ന് അക്യൂട്ട് ഡിപ്രഷനില്ലായിരുന്നുവെന്ന് അമ്മ.

കൊല്‍ക്കത്തയില്‍ മറ്റൊരു മോഡലിനെ കൂടി മരിച്ച നിലയില്‍ കണ്ടെത്തി. നടി മഞ്ജുഷ നിയോഗിയെയാണ് തൂങ്ങിമരിച്ച നിലയില്‍ കണ്ടെത്തിയത്. ഇന്ന് രാവിലെ പട്ടുലിയിലെ വീട്ടിലാണ് മൃതദേഹം കണ്ടത്

മൂന്ന് ദിവസത്തിനിടെയുള്ള രണ്ടാമത്തെ സംഭവമാണിത്. രണ്ട് ദിവസം മുമ്ബ് സുഹൃത്തും സഹപ്രവര്‍ത്തകയുമായ ബിദിഷ ഡി മജുംദറിന്റെ മരണത്തെത്തുടര്‍ന്ന് മഞ്ജുഷയ്ക്ക് ‘അക്യൂട്ട് ഡിപ്രഷന്‍’ ബാധിച്ചിരുന്നുവെന്ന് അമ്മ പറയുന്നു. മരണകാരണം കൃത്യമായി അറിയാന്‍ നിയോഗിയുടെ മൃതദേഹം ഫോറന്‍സിക് പരിശോധനയ്ക്കായി ആശുപത്രിയിലേക്ക് അയച്ചതായി പൊലീസ് പറഞ്ഞു.