കൊച്ചി: വിദ്വേഷ പ്രസംഗത്തില് മുന് എംഎല്എയും ജനപക്ഷം നേതാവുമായ പി സി ജോര്ജ് റിമാര്ഡില്. അദ്ദേഹം പൂജപ്പുര സെന്ട്രല് ജയിലിലേക്ക് മാറ്റും. പതിനാല് ദിവസത്തേക്കാണ് റിമാന്ഡ് ചെയ്തത്. കനത്ത പൊലീസ് സുരക്ഷയിലാണ് പി സി ജോര്ജിനെ പൊലീസ് പൂജപ്പുര ജയിലിലേക്ക് കൊണ്ടുപോകുന്നത്. വൈദ്യ പരിശോധനയ്ക്കായി തിരുവനന്തപുരം ജനറല് ആശുപത്രിയില് എത്തിച്ച ശേഷമായിരിക്കും ജയിലിലേക്ക് കൊണ്ടുപോവുക.
ജോര്ജ് വിദ്വേഷ പ്രസംഗം ആവര്ത്തിച്ചത് ഗൂഡാലോചനയുടെ ഭാഗമാണെന്നാണ് റിമാന്ഡ് റിപ്പോര്ട്ട്. പ്രസ്താവന ആവര്ത്തിച്ചത് രണ്ട് മതവിഭാഗങ്ങള് സ്പര്ധയുണ്ടാക്കാനാണെന്നും പൊലീസ് പറഞ്ഞു.
തനിക്കെതിരെയുള്ള നടപടികള് ക്രൂരതയാണെന്നായിരുന്നു പി സി ജേര്ജ്ജിന്റെ പ്രതികരണം. തന്നെ ഇങ്ങനെ ദേഹണ്ഡിച്ച് കൊണ്ട് നടക്കുന്നതെന്തിനാണ്. ഇന്നലെ പാലാരിവട്ടം സ്റ്റേഷനില് എത്തിയതാണ്. ജാമ്യം ലഭിച്ചതിന് ശേഷം എല്ലാം പറയാം. അറസ്റ്റില് സമൂഹം മറുപടി പറയട്ടെയെന്നും പിസി ജോര്ജ് മാധ്യമങ്ങളോട് പറഞ്ഞു.