കോട്ടയം: മതസ്പര്ദ്ധ വളര്ത്തുന്ന പോസ്റ്റുകള് ഇടുന്നവര്ക്കെതിരെ കര്ശന നടപടിക്കൊരുങ്ങി കോട്ടയം ജില്ലാ പോലീസ് മേധാവി. ഇത്തരം പ്രചാരണം നടത്തുന്നവര് സൈബര് പൊലീസിന്റെ നിരീക്ഷണത്തിലാണെന്നും ഇവര്ക്കെതിരെ കര്ശനമായ നിയമനടപടി സ്വീകരിക്കുമെന്നും ജില്ലാ പോലീസ് മേധാവി ശില്പ്പ ഐ.പി.എസ് അറിയിച്ചു.
‘ജില്ലയില് മതസ്പര്ദ്ധ വളര്ത്തുന്നതും സമൂഹത്തില് ചേരിതിരിവുണ്ടാക്കുന്നതുമായ തരത്തിലുള്ള സന്ദേശങ്ങള് ചില സാമൂഹിക വിരുദ്ധര് സമൂഹ മാധ്യമങ്ങളിലൂടെ പ്രചരിപ്പിക്കുന്നതായി ശ്രദ്ധയില് പെട്ടിട്ടുണ്ട്. ഇത്തരം പ്രചാരണം നടത്തുന്നവര് സൈബര് പൊലീസിന്റെ നിരീക്ഷണത്തിലാണ്. ഇവര്ക്കെതിരെ കര്ശനമായ നിയമനടപടി സ്വീകരിക്കുന്നതാണ്’, ജില്ലാ പോലീസ് മേധാവി ശില്പ ഐ.പി.എസ് കോട്ടയം ജില്ലാ പോലീസിന്റെ ഫേസ്ബുക്ക് പേജില് പങ്കുവച്ചു.
അതേസമയം, സംസ്ഥാനത്തെ സൈബര് ഇടങ്ങളില് വര്ഗീയ ചേരി തിരിവുകള് രൂപപ്പെടുത്താന് സമാനമായ ക്യാമ്ബയിനുകളും മറ്റും നടക്കുന്നുണ്ടെന്നാണ് റിപ്പോര്ട്ടുകള് സൂചിപ്പിക്കുന്നത്.