തിരുവനന്തപുരം: നടന് ദിലീപ് ഉള്പ്പെട്ട വധഗൂഢാലോചന കേസില് അഭിഭാഷകരെ അടക്കം ചോദ്യം ചെയ്യാന് എസ് ശ്രീജിത്ത് പദ്ധതിയിട്ടിരുന്നതാണ് ക്രൈംബ്രാഞ്ച് മേധാവി സ്ഥാനത്തുനിന്ന് ട്രാന്സ്പോര്ട്ട് കമ്മിഷണറായുള്ള മാറ്റത്തിന് കാരണമായതെന്ന് സൂചന. അഭിഭാഷകരെ ചോദ്യം ചെയ്യാന് നോട്ടീസ് നല്കിയതിനെതിരെ അഭിഭാഷകര് ഹൈക്കോടതിയിലും മറ്റും പ്രതിഷേധിക്കുകയും സര്ക്കാരിന് പരാതി നല്കുകയും ചെയ്തിരുന്നു.
വിജിലന്സ് ഡി ജി പിയായിരിക്കെ സുധേഷ്കുമാര് പ്രമുഖ ജുവലറിയില് നിന്ന് വിലയുടെ വെറും 10 ശതമാനം മാത്രം നല്കി സ്വര്ണ നെക്ലേസ് വാങ്ങി. ജുവലറിക്കാര് ഇത്തരത്തില് ബില് നല്കിയിരുന്നു. ഈ ബില്ലിന്റെ പകര്പ്പ് സഹിതം ജുവലറി ഉടമ നല്കിയ പരാതിയും ഒരു വിജിലന്സ് കേസിലെ പ്രതിക്കൊപ്പം വിദേശയാത്ര നടത്തിയെന്ന പരാതിയും സുധേഷ്കുമാറിനെതിരെ ഉണ്ടായി.
അനധികൃതസ്വത്ത് സമ്ബാദനക്കേസില് ടോമിന് തച്ചങ്കരിക്കെതിരായ അന്തിമറിപ്പോര്ട്ട് വൈകിപ്പിച്ചതും കൂടിയായപ്പോള് വിജിലന്സ് ഡയറക്ടര് പദവി തെറിച്ചെന്നാണ് വിവരം. സുധേഷ്കുമാര് എഡിജിപിയായിരിക്കെ മകള് പൊലീസുകാരനെ മര്ദ്ദിച്ച സംഭവവും വിവാദമായിരുന്നു. ജയില്വകുപ്പില് എക്സ് കേഡര് ഡിജിപി തസ്തിക സൃഷ്ടിച്ചാണ് ഡിജിപി റാങ്കിലുള്ള സുധേഷ്കുമാറിനെ വിജിലന്സ് തലപ്പത്ത് നിന്ന് നീക്കിയത്. ഡിജിപി റാങ്കിലുള്ള വിജിലന്സ് മേധാവി തസ്തികയില് എഡിജിപി റാങ്കിലുള്ള അജിത് കുമാറിനെ നിയമിക്കുകയും ചെയ്തു.