ആരാധകര് ആവേശത്തോടെ കാത്തിരിക്കുന്ന മമ്മൂട്ടി ചിത്രം ഭീഷ്മ പര്വ്വം ഇന്ന് തിയറ്ററുകളിലെത്തും. അമല് നീരദ് സംവിധാനം ചെയ്യുന്ന ചിത്രം പിരീഡ് ക്രൈം ഡ്രാമ വിഭാഗത്തില്പെടുന്നതാണ്. മൈക്കിള് എന്ന കഥാപാത്രത്തെയാണ് മമ്മൂട്ടി ചിത്രത്തില് അവതരിപ്പിക്കുന്നത്.
ബിഗ് ബി പുറത്തിറങ്ങി 14 വര്ഷത്തിനു ശേഷമാണ് അമല് നീരദും മമ്മൂട്ടിയും വീണ്ടുമൊന്നിക്കുന്നത് എന്നതാണ് ചിത്രത്തിന്റെ ഹൈലൈറ്റ്. ബിഗ് ബിയുടെ തുടര്ച്ചയായ ‘ബിലാല്’ പ്രഖ്യാപിച്ചിരിക്കെ കോവിഡ് പശ്ചാത്തലത്തിലാണ് ഭീഷ്മ പര്വ്വം പ്രഖ്യാപിക്കപ്പെട്ടത്. അമല് നീരദും ദേവദത്ത് ഷാജിയും ചേര്ന്നാണ് ചിത്രത്തിന്റെ രചന നിര്വ്വഹിച്ചിരിക്കുന്നത്.
നീണ്ട മുടിയും താടിയുമായി മാസ്സ് ലുക്കിലാണ് മമ്മൂട്ടി ചിത്രത്തില് എത്തുന്നത്. സൗബിന് ഷാഹിര്, ശ്രീനാഥ് ഭാസി, ദിലീഷ് പോത്തന്, തബു, ഫര്ഹാന് ഫാസില്, ഷൈന് ടോം ചാക്കോ തുടങ്ങി വലിയ താരനിര തന്നെ ചിത്രത്തില് അണിനിരക്കുന്നുണ്ട്. ആനന്ദ് സി ചന്ദ്രനാണ് ക്യാമറ. വിവേക് ഹര്ഷന് എഡിറ്റിങ്ങും സുഷിന് ശ്യാം സംഗീതവും നിര്വഹിക്കുന്നു.