കൊച്ചി: വാട്സാപ്പ് നിരോധിക്കണമെന്നാവശ്യപ്പെട്ട് സമര്പ്പിച്ച പൊതുതാല്പര്യ ഹര്ജി ഹൈക്കോടതി തള്ളി. കേന്ദ്ര സര്ക്കാര് പുതിയ ഐടി നിയമങ്ങള് കൊണ്ടുവരുന്ന സാഹചര്യത്തില് ഹര്ജിക്കു ഇപ്പോള് പ്രസക്തി ഇല്ലെന്ന് ചീഫ് ജസ്റ്റിസ് അധ്യക്ഷനായ ബെഞ്ച് വ്യക്തമാക്കി. ആവശ്യങ്ങള് നിലനില്ക്കുന്നതല്ലെന്നും ഹര്ജി അപക്വമാണെന്നും കോടതി നിരീക്ഷിച്ചു.
പൊതുതാല്പര്യ ഹര്ജിയില് കോടതി കേന്ദ്ര- സംസ്ഥാന സര്ക്കാരുകളുടെയും പൊലീസ് മേധാവിയുടേയും നിലപാട് തേടിയിരുന്നു. ഐടി നിയമത്തിലെ പുതിയ ഭേദഗതികള് നടപ്പാക്കുന്നുണ്ടെന്ന് കേന്ദ്ര സര്ക്കാര് വ്യക്തമാക്കി.
കുമളി സ്വദേശി ഓമനക്കുട്ടന് സമര്പ്പിച്ച പൊതുതാല്പര്യ ഹര്ജിയാണ് കോടതി പരിഗണിച്ചത്.കേന്ദ്ര ഐടി ചട്ടങ്ങള് പാലിക്കാന് നിര്ദേശം നല്കണമെന്നും പാലിച്ചില്ലെങ്കില് വാട്സാപ്പ് നിരോധിക്കണമെന്നുമായിരുന്നു ഹര്ജിയിലെ ആവശ്യം. വാട്സാപ്പ് ഉപഭോക്താക്കളുടെ സ്വകാര്യതയിലേക്ക് കടന്നു കയറുന്നതായും ഡേറ്റയില് കൃത്രിമം നടക്കാനുള്ള സാധ്യതകള് തള്ളിക്കളയാന് കഴിയില്ലെന്നും ഹര്ജിയില് ചൂണ്ടിക്കാണിച്ചിരുന്നു.