ചെറായി: ആഴക്കടലില്‍ നിന്നു മത്സ്യത്തൊഴിലാളികള്‍ക്കു ലഭിച്ച ഭീമന്‍ ഓലക്കൊടിയന്‍ മത്സ്യം മുനമ്ബം ഹാര്‍ബറിലെത്തിയ കച്ചവടക്കാര്‍ക്ക് ആവേശമായി. 500 കിലോയോളം തൂക്കംവരുന്ന ഈ ഭീമനെ എട്ടുപേര്‍ ചേര്‍ന്ന് പ്ലാസ്റ്റിക് കയര്‍ ഉപയോഗിച്ചാണ് ബോട്ടില്‍നിന്ന് ഇറക്കിയത്. തുടര്‍ന്നു രണ്ടു ട്രോളികള്‍ ചേര്‍ത്തുവച്ച്‌ അതില്‍ കയറ്റി ലേലഹാളില്‍ എത്തിച്ചു.
മൂന്നടിയോളം നീണ്ട ചുണ്ടു കൂടാതെതന്നെ ഇതിന് 12 അടിക്കു മേല്‍ നീളം വരും. ഓലക്കൊടിയന്‍ മത്സ്യം ഹോട്ടലുകാരാണ് കൂടുതലും വാങ്ങാറ്. രുചിയേറിയതും ഉറച്ചതുമാണ് ഇതിന്‍റെ മാസം. ഷോപ്പിംഗ് മാളുകളിലെ ഫിഷ് സ്റ്റാളുകളിലും മത്സ്യമാര്‍ക്കറ്റുകളിലും കഷണങ്ങളാക്കി ലഭിക്കുന്ന ഇതിന് കിലോഗ്രാമിന് 250 രൂപയോളം വില വരും.
