“എനിക്ക് അവാർഡ് കിട്ടിയ വാർത്ത ഞാൻ തന്നെ വായിക്കും”: വാർത്താ അവതരണത്തിനിടെ തനിക്ക് അവാർഡ് കിട്ടിയ വാർത്ത അവതരിപ്പിക്കുന്ന മലയാളി മാധ്യമ പ്രവർത്തകയുടെ വീഡിയോ വൈറൽ.

മലയാളത്തിലെ ദൃശ്യമാധ്യമ പ്രവർത്തകർക്കിടയിൽ പ്രേക്ഷകർക്ക് സുപരിചിതമായ മുഖമാണ് നിഷ പുരുഷോത്തമൻ. മനോരമ ന്യൂസ് ചാനലിലെ എക്സിക്യൂട്ടീവ് ന്യൂസ് പ്രൊഡ്യൂസർ ആണിവർ. എംവിആർ സ്മൃതി പുരസ്കാരം തനിക്ക് കിട്ടിയ വിവരം വാർത്താ അവതരണത്തിനിടെ നിഷ തന്നെ അവതരിപ്പിക്കുന്ന വീഡിയോയാണ് ഇപ്പോൾ സമൂഹമാധ്യമങ്ങളിൽ വൈറലാകുന്നത്.

25,000 രൂപയും ഫലകവും അടങ്ങുന്നതാണ് പുരസ്കാരം. അടുത്ത മാസം ഷാർജയിൽ വച്ചാണ് പുരസ്കാരദാനം. അന്തരിച്ച നേതാവ് എം പി രാഘവൻറെ പേരിലുള്ളതാണ് എം വി ആർ സ്മൃതി പുരസ്കാരം.