കൊല്ലം: കടിച്ച പാമ്ബിനെ പിടികൂടി വനപാലകര്ക്ക് കൈമാറിയ യുവാവ് മണിക്കൂറുകള്ക്കുള്ളില് മരിച്ചു. തെന്മല ഇടമണ് സ്വദേശി ബിനു(41) ആണ് മരിച്ചത്.വെള്ളിയാഴ്ച രാത്രി എട്ടരയോടെയാണ് സംഭവം. കരവാളൂര് മാത്രയിലെ കലുങ്കുംമുക്ക് ഏലായില് ബന്ധുവീട്ടിലേക്കു വരുന്നവഴി കാല് കഴുകാന് തോട്ടിലിറങ്ങിയപ്പോഴാണ് ബിനുവിന് പാമ്ബിന്റെ കടിയേറ്റത്.തുടര്ന്ന് മൊബൈല് ഫോണിന്റെ വെളിച്ചത്തില് പാമ്ബിനെ കണ്ടെത്തി ബിനു പിടികൂടുകയായിരുന്നു .
ഇതുമായി റോഡിലെത്തി നാട്ടുകാരെയും വനപാലകരെയും വിവരമറിയിച്ചു. അരമണിക്കൂറിനുള്ളില് വനപാലകരെത്തി പാമ്ബിനെ ഏറ്റുവാങ്ങുകയും ചെയ്തു. ഈ സമയം ബിനു ആശുപത്രിയിലേക്കു പോയില്ല. പിന്നീട് അസ്വസ്ഥത അനുഭവപ്പെട്ട ബിനുവിനെ തിരുവനന്തപുരം മെഡിക്കല് കോളജ് ആശുപത്രിയില് പ്രവേശിപ്പിച്ചുവെങ്കിലും രാത്രിയോടെ തന്നെ മരിക്കുകയായിരുന്നു.