പ്രഫുൽ ഖോടാ പട്ടേലിനെ ബയോ വെപ്പൺ എന്ന വാക്ക് ഉപയോഗിച്ചതിന് രാജ്യദ്രോഹ കുറ്റം ചുമത്തിയ യുവ സംവിധായിക ഐഷ സുല്ത്താനയെ ലക്ഷദ്വീപ് പോലീസ് ഇന്ന് വീണ്ടും ചോദ്യം ചെയ്യും. കവരത്തി പോലീസ് സ്റ്റേഷനില് രാവിലെ 10.30ന് ഹാജരാകാനാണ് നോട്ടീസ് നല്കിയത്. ചാനല് ചര്ച്ചയില് ബയോ വെപ്പണ് പരാമര്ശം നടത്തിയതിന്റെ പേരില് ബി.ജെ.പി ലക്ഷദ്വീപ് ഘടകം പ്രസിഡന്റ് സി.അബ്ദുല് ഖാദര് ഹാജിയാണ് ആയിഷയ്ക്കെതിരെ കവരത്തി പൊലീസില് പരാതി നല്കിയത്.കഴിഞ്ഞ ദിവസമാണ് ഐഷ സുല്ത്താനയെ ചോദ്യം ചെയ്ത് വിട്ടയച്ചത്. മൂന്നരമണിക്കൂര് നേരമാണ് കവരത്തിയില് വെച്ച് അന്വേഷണ സംഘം മൊഴിയെടുത്തത്. വൈകിട്ട് നാല് മണിയോടെയാണ് കവരത്തിയിലെ പൊലീസ് ഹെഡ് ക്വാര്ട്ടേഴ്സില് അഭിഭാഷകനൊപ്പംഐഷ സുല്ത്താന ഹാജരായത്.
ഇവിടെ ക്ലിക്ക് ചെയ്ത് ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക