തിരുവനന്തപുരം: സംസ്ഥാനത്ത് വ്യാഴാഴ്ച വരെ ശക്തമായ മഴക്ക് സാധ്യതയെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. പത്തനംതിട്ട, കോട്ടയം, ഇടുക്കി, പാലക്കാട്, മലപ്പുറം ജില്ലകളില് ബുധനാഴ്ച ഒാറഞ്ച് അലര്ട്ട് പ്രഖ്യാപിച്ചു. തിരുവനന്തപുരം, കൊല്ലം, ആലപ്പുഴ, എറണാകുളം, തൃശൂര്, കോഴിക്കോട്, വയനാട് ജില്ലകളില് മഞ്ഞ അലര്ട്ടും ബാധകമാക്കി.
തെക്കു കിഴക്കന് ബംഗാള് ഉള്ക്കടലില് ന്യൂനമര്ദം രൂപപ്പെട്ടു. അടുത്ത 36 മണിക്കൂറില് ശക്തി പ്രാപിച്ച് തീവ്ര ന്യൂനമര്ദമായി മാറും. അറബിക്കടലില് നിലനിന്നിരുന്ന തീവ്ര ന്യൂനമര്ദത്തിെന്റ ശക്തി കുറഞ്ഞിട്ടുണ്ട്.വെള്ളിയാഴ്ച വരെ സംസ്ഥാനത്ത് ശക്തമായ മഴയുണ്ടാകുമെന്നാണ് പ്രവചനം. പത്തനംതിട്ട, കോട്ടയം, ഇടുക്കി, പാലക്കാട്, മലപ്പുറം ജില്ലകളില് വ്യാഴാഴ്ച ഒാറഞ്ച് അലര്ട്ടും ആലപ്പുഴ, എറണാകുളം, തൃശൂര്, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് മഞ്ഞ അലര്ട്ടുമുണ്ട്.
വെള്ളിയാഴ്ച 12 ജില്ലകളില് മഞ്ഞ അലര്ട്ട് മുന്നറിയിപ്പ് നല്കി. മലയോര മേഖലകളില് ഒറ്റപ്പെട്ട ശക്തമായ ഇടിയോടുകൂടിയ മഴക്ക് സാധ്യതയുണ്ട്. സംസ്ഥാനത്ത് നവംബര് 13 വരെ ശക്തമായ കാറ്റിന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.