മാര്‍ക്ക് സക്കര്‍ബര്‍ഗിന്‍റെ ഫേസ്ബുക് പേരുമാറ്റത്തെ ട്വിറ്റര്‍ നിരവധി ട്രോളുകളോടെയാണ് നേരിട്ടത്. പേരുമാറ്റത്തെ പരിഹസിച്ചും കളിയാക്കിയും നിരവധിപേര്‍ രംഗത്തെത്തി.ഫേസ്ബുക് അവതരിപ്പിച്ച പുതിയ മെറ്റ ലോഗോ കോപ്പിയടിച്ചതാണെന്നാണ് ഇപ്പോള്‍ ഉയരുന്ന ആരോപണം. ജര്‍മന്‍ മൈഗ്രേന്‍ ആപ്പായ ‘എം സെന്‍സ് മൈഗ്രേന്‍’ എന്നതിന്‍റെ ലോഗോക്ക് സമാനമാണ് മെറ്റ ലോഗോ.
തലവേദന, മൈഗ്രേന്‍ തുടങ്ങിയവകൊണ്ട് ബുദ്ധിമുട്ടുന്നവര്‍ക്ക് സഹായം വാഗ്ദാനം ചെയ്യുകയാണ് ലക്ഷ്യം. 2016ലാണ് ഇതിന്‍റെ രൂപീകരണം. ‘ഞങ്ങളുടെ മൈഗ്രേന്‍ ആപ്പില്‍നിന്ന് ഫേസ്ബുക്ക് പ്രചോദനം ഉള്‍ക്കൊണ്ട് ലോഗോ നിര്‍മിച്ചതില്‍ അഭിമാനംകൊള്ളുന്നു. ഒരുപക്ഷേ അവര്‍ ഞങ്ങളുടെ ഡേറ്റ സ്വകാര്യത നടപടിക്രമങ്ങളില്‍നിന്നും പ്രചോദനം ഉള്‍ക്കൊണ്ടേക്കാം’ -കമ്ബനി ട്വീറ്റ് ചെയ്തു.
റീബ്രാന്‍ഡിങ്ങിനെ തുടര്‍ന്നുണ്ടായ തലവേദന പരിഹരിക്കാന്‍ സക്കര്‍ബര്‍ഗിനോട് എം സെന്‍സ് മൈഗ്രന്‍ ആപ്പ് ഡൗണ്‍ലോഡ് ചെയ്യാന്‍ പറഞ്ഞ് കമ്ബനി പരിഹസിക്കുകയും ചെയ്തു. മെറ്റക്കെതിരെ എംസെന്‍സ് നിയമനടപടികള്‍ സ്വീകരിക്കുമെന്നാണ് വിവരം.
