സംസ്ഥാനത്തെ മഴക്കെടുതിയില് കെഎസ്ഇബിക്ക് 13.67 കോടി രൂപ നഷ്ടമുണ്ടായെന്ന് കെഎസ്ഇബി.മഴക്കെടുതിയില് 11 കെവി ലൈനുകളും ട്രാന്സ്ഫോര്മറുകളും ഉള്പ്പെടെ നശിച്ചാണ് വലിയ നാശനഷ്ടമുണ്ടായത്. ഇത് യുദ്ധകാലാടിസ്ഥാനത്തില് പരിഹരിക്കും.മൂന്നരലക്ഷം കണക്ഷനുകളാണ് തടസ്സപ്പെട്ടത്. ഇതില് രണ്ടരലക്ഷത്തോളം കണക്ഷനുകള് പുനസ്ഥാപിച്ചു. മഴ ഏറെ നാശം വിതച്ച മേഖലകളില് ഉള്പ്പെടെ ഒരു ലക്ഷത്തോളം കണക്ഷനുകള് പുനസ്ഥാപിക്കാനുണ്ട്. രക്ഷാപ്രവര്ത്തനം പൂര്ത്തിയാകുന്ന മുറയ്ക്ക് ഈ കണക്ഷനുകള് പുനസ്ഥാപിക്കും.60 ഡിസ്ട്രിബ്യൂഷന് ട്രാന്സ്ഫോമറുകളും തകരാറിലായെന്നാണ് കണക്ക്. സംസ്ഥാനത്ത് ആകെ 4.18 ലക്ഷം വൈദ്യുതി കണക്ഷനുകള് തകരാറിലായിട്ടുണ്ട്.അതേസമയം, മഴ ശക്തമായതോടെ വൈദ്യുതി ആവശ്യത്തില് കുറവ് വന്നിട്ടുണ്ട്. പ്രതിദിന ഉപഭോഗം 3400 മെഗാവാട്ടാണ്. പീക് ടൈമിലെ വൈദ്യുതി ലഭ്യത കുറവ് 50 മെഗാവാട്ട് മാത്രമാണ്. അതുകൊണ്ട് തന്നെ നിലവില് കാര്യമായ വൈദ്യുതി പ്രതിസന്ധിയില്ല. ജലവൈദ്യുത പദ്ധതികളില് നിന്നും പരമാവധി ഉത്പാദനം നടത്തുന്നുണ്ട്.
ഇവിടെ ക്ലിക്ക് ചെയ്ത് ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക