ഗുരുവായൂര്‍: രാത്രി വീടിന് മുന്നില്‍ നിര്‍ത്തിയിരുന്ന സഹോദരങ്ങളുടെ ബൈക്കും സ്കൂട്ടറും കത്തി നശിച്ച നിലയില്‍. കോട്ടപ്പടി മഞ്ചേരി പരേതനായ രാജ‍െന്‍റ മക്കളായ സുരാജ്, സുജിത്ത് എന്നിവരുടെ ബൈക്കും സ്കൂട്ടറുമാണ് ശനിയാഴ്ച രാത്രി കത്തിനശിച്ചത്. ഗുരുവായൂര്‍ പൊലീസ് അന്വേഷണം ആരംഭിച്ചു.നേരത്തേ ഡി.വൈ.എഫ്.ഐ പ്രവര്‍ത്തകരായിരുന്ന ഇവര്‍ യൂത്ത് കോണ്ഗ്രസ് പ്രവര്‍ത്തകരായതി‍െന്‍റ വിരോധമാണ് അക്രമത്തിന് പിന്നിലെന്ന് സംശയിക്കുന്നതായി കോണ്ഗ്രസ് ആരോപിച്ചു.
സംഭവത്തില്‍ കോണ്ഗ്രസ് മണ്ഡലം കമ്മിറ്റി പ്രതിഷേധിച്ചു. അക്രമത്തെ സി.പി.എം പ്രോത്സാഹിപ്പിക്കുകയാണെന്നും പ്രതികളെ സംരക്ഷിക്കുകയാണെന്നും ആരോപിച്ചു. മണ്ഡലം പ്രസിഡന്റ് ടി.എ. ഷാജി അധ്യക്ഷത വഹിച്ചു. വര്‍ഗീസ് ചീരന്‍, എം.പി. ബഷീര്‍ ഹാജി, ആന്‍റോ തോമസ്, സാബു ചൊവല്ലൂര്‍, ഇ.എം നജീബ്, എന്‍.എച്ച്‌. ഷാനിര്‍, വി.കെ. വിമല്‍ എന്നിവര്‍ സംസാരിച്ചു.
