കണ്ണൂര്: ദമ്ബതികള്ക്ക് നേരെയുണ്ടായ കാട്ടാനയുടെ ആക്രമണത്തില് യുവാവ് മരിച്ചു. പെരിങ്കരി സ്വദേശി ജസ്റ്റിനാണ് മരിച്ചത്. കൂടെ ഉണ്ടായിരുന്ന ഭാര്യ ജെനിയെ ഗുരുതര പരിക്കുകളോടെ ആശുപത്രിയില് പ്രവേശിപ്പിച്ചു. പുലര്ച്ചെ കണ്ണൂര് വള്ളിത്തോടില് ബൈക്കില് പള്ളിയില് പോവുന്ന വഴിയാണ് ഇവര്ക്കുനേരെ കാട്ടാനയുടെ ആക്രമണമുണ്ടായത്.
ആക്രമണത്തിന് ശേഷം തൊട്ടടുത്തുള്ള ലോറിയെ കുത്തിമറിക്കാനുള്ള ശ്രമത്തിനിടെ ആനയുടെ കൊമ്ബ് പൊട്ടിപ്പോവുകയും ചെയ്തിട്ടുണ്ട്. ആന ഇപ്പോഴും പ്രദേശത്തുതന്നെയുണ്ട്.ഇരുവരെയും ഉടനെ കണ്ണൂരിലെ സ്വകാര്യ ആശുപത്രിയിലേക്ക് മാറ്റിയെങ്കിലും ജസ്റ്റിന്റെ ജീവന് രക്ഷിക്കാനായില്ല. ജെനി തീവ്രപരിചരണവിഭാഗത്തില് ചികിത്സയിലാണ്.
കര്ണാടക വനത്തില് നിന്ന് കാട്ടാനകള് കൂട്ടമായി ഇറങ്ങി കൃഷികളും മറ്റും നശിപ്പിക്കുന്നു എന്ന പരാതിയുടെ അടിസ്ഥാനത്തില് ഈ ഭാഗങ്ങളില് വേലി ഉള്പ്പെടെയുള്ള കാര്യങ്ങള് സ്ഥാപിച്ചു വരികയായിരുന്നു. ഇതിനിടെയാണ് ആക്രമണമുണ്ടായത്.