കോഴിക്കോട്: എറണാകുളം ചമ്ബക്കര മഹിള മന്ദിരത്തില്‍നിന്ന് കാണാതായ യുവതികളില്‍ രണ്ടുപേരെ കോഴിക്കോട് കണ്ടെത്തി. മെഡിക്കല്‍ കോളജ് പൊലീസ് സ്റ്റേഷന്‍ പരിധിയില്‍നിന്നാണ് കണ്ടെത്തിയത്. ഇവരില്‍ ഒരാളുടെ സഹോദരിയുടെ ചേവായൂരിലെ വീട്ടില്‍ എത്തുകയായിരുന്നു. സഹോദരിയാണ് രണ്ടുപേരെയും മെഡിക്കല്‍ കോളജ് സ്റ്റേഷനില്‍ എത്തിച്ചത്.
എറണാകുളം സ്വദേശികളായ രണ്ടുപേരെയാണ് കണ്ടെത്തിയത്. ഇവരെ കോഴിക്കോട് വനിത സ്റ്റേഷനിലേക്ക് മാറ്റി. ചൊവ്വാഴ്ച മരട് പൊലീസ് എത്തി യുവതികളെ ഏറ്റുവാങ്ങും. കൂടയുള്ള കൊല്‍ക്കത്ത സ്വദേശിയായ പെണ്‍കുട്ടി ബംഗളൂരിലേക്ക് പോയതായാണ് വിവരം.
കടവന്ത്ര പൊലീസ് സ്റ്റേഷനില്‍ രജിസ്റ്റര്‍ ചെയ്ത കേസില്‍ മഹിള മന്ദിരത്തിലെത്തിയ കൊല്‍ക്കത്ത സ്വദേശിനിയും സംരക്ഷിക്കാനാളില്ലാത്തതിനാല്‍ സാമൂഹിക നീതി വകുപ്പ് മഹിള മന്ദിരത്തിലെത്തിച്ച എറണാകുളം സ്വദേശികളായ രണ്ടുപേരുമാണ് രക്ഷപ്പെട്ടത്. തിങ്കളാഴ്ച പുലര്‍ച്ച മൂന്നിന് ശേഷം മഹിള മന്ദിരത്തി‍െന്‍റ രണ്ടാംനിലയില്‍നിന്ന് ഇരുമ്ബുദണ്ഡില്‍ സാരി ചുറ്റിയാണ് മൂവരും താഴേക്കിറങ്ങി പുറത്തേക്കു കടന്നത്. പുറത്ത് പോവുകയാണെന്നും ഇനി അന്വേഷിക്കേണ്ടന്നും കത്തെഴുതി വച്ചിട്ടാണ് പെണ്‍കുട്ടികള്‍ രക്ഷപെട്ടത്.
