തിരുവനന്തപുരം: നിപ ബാധിച്ച് മരിച്ച കുട്ടിയുടെ സമ്ബര്ക്കപ്പട്ടികയിലുള്ള എട്ട് പേരുടെ പരിശോധനാ ഫലം നെഗറ്റീവ്.
മൂന്നു വീതം 24 സാമ്ബിള് അയച്ചിരുന്നു. ഈ സാമ്ബിളുകളെല്ലാം നെഗറ്റീവായി. കുട്ടിയുടെ രക്ഷിതാക്കള് അടക്കം നെഗറ്റീവാണെന്ന് ആരോഗ്യമന്ത്രി വീണ ജോര്ജ് അറിയിച്ചു. കൂടുതല് പേരുടെ സാമ്ബിള് ഇന്ന് പരിശോധിക്കും. 48 പേരാണ് മെഡിക്കല് കോളെജുകളിലുള്ള ഹൈ റിസ്ക് കാറ്റഗറിയില് നിലവിലുള്ളത്.
വയനാട്- 4 എറണാകുളം – 1, കോഴിക്കോട് – 31, മലപ്പുറം – 8, കണ്ണൂര് – 3, പാലക്കാട് 1 എന്നിങ്ങനെയാണ് ഈ വിഭാഗത്തിലുള്ളവരുടെ എണ്ണം. പുലര്ച്ചെ അഞ്ചു പേരുടെ സാമ്ബിള് പരിശോധന നടത്തിയിട്ടുണ്ട്. ഫലം ഇന്ന് തന്നെ പുറത്ത് വരും. കോഴിക്കോട് ജില്ലയില് നിപ സ്ഥിരീകരിക്കുന്നത് കഴിഞ്ഞ ദിവസമാണ്. മരിച്ച കുട്ടിയുടെ സമ്ബര്ക്കപ്പട്ടികയിലുള്ള 251 പേരില് 54 ഹൈറിസ്ക് വിഭാഗത്തിലാണെന്ന് ആരോഗ്യമന്ത്രി അറിയിച്ചു. 38 പേര് ആശുപത്രി ഐസൊലേഷനിലാണ്.
പതിനൊന്ന് പേര്ക്ക് രോഗലക്ഷണങ്ങളുണ്ട്. ഇതില് എട്ട് പേരുടെ പരിശോധനാ ഫലമാണ് ഇപ്പോള് നെഗറ്റീവായത്. ഹൈറിസ്ക് വിഭാഗത്തിലുള്ള 54 പേരില് 30 പേര് ആരോഗ്യപ്രവര്ത്തകരാണെന്നും മന്ത്രി അറിയിച്ചു. രോഗലക്ഷണങ്ങളുള്ള പതിനൊന്ന് പേരുടേയും ആരോഗ്യ നില തൃപ്തികരമാണെന്നും മന്ത്രി പറഞ്ഞു.