ചങ്ങനാശ്ശേരി: പൂട്ടിയിട്ട വീട് കുത്തിത്തുറന്ന് മോഷണം നടത്തിയ കേസില് വയോധികന് അറസ്റ്റില്. വെള്ളാവൂര് മണിമല നിരപ്പേല് കൃഷ്ണന്കുട്ടി (71)യാണ് അറസ്റ്റിലായത്. ചങ്ങനാശ്ശേരി മോര്ക്കുളങ്ങര തട്ടങ്ങാട് വര്ഗീസിന്റെ അടച്ചിട്ടിരുന്ന വീട്ടിലാണ് മോഷണം നടന്നത്.
67,000 രൂപയുടെ പ്ലമ്ബിങ് ഫിറ്റിങ്സാണ് കവര്ന്നത്. വര്ഗീസ് കുടുംബ സമേതം ഗള്ഫിലാണ്. വീട് സൂക്ഷിക്കാന് ഏല്പിച്ചിരുന്ന സ്ത്രീക്ക് കോവിഡ് ബാധിച്ചതോടെ രണ്ടാഴ്ചയോളം വീട് അടഞ്ഞു കിടക്കുകയായിരുന്നു. കോവിഡ് നെഗറ്റിവായതിനു ശേഷം എത്തിയപ്പോള് ആണ് മോഷണ വിവരം അറിഞ്ഞത്. അടുക്കള വാതില് കുത്തിത്തുറന്നതായി കണ്ടെത്തി. തുടര്ന്ന് സ്ത്രീ പൊലീസിനെ വിവരം അറിയിച്ചു.
കഴിഞ്ഞദിവസം പട്രോളിങ്ങിനിടെ സംശയാസ്പദ സാഹചര്യത്തില്കണ്ട ഇയാളെ പൊലീസ് ചോദ്യം ചെയ്തപ്പോഴാണ് കവര്ച്ചകേസ് പ്രതിയാണെന്ന് വ്യക്തമായത്. അടഞ്ഞു കിടക്കുന്ന വീടുകള് പകല് നോക്കി വെച്ചതിനുശേഷം രാത്രിയില് മോഷണം നടത്തുന്നതാണ് കൃഷ്ണന്കുട്ടിയുടെ പതിവെന്ന് ചങ്ങനാശ്ശേരി പൊലീസ് പറഞ്ഞു.