കോടിമത പാലത്തിനടിയിൽ താമസിച്ചിരുന്ന ആയിഷുമ്മയ്ക്ക് വീടായി; മന്ത്രി വി.എൻ വാസവൻ വീടിന്റെ താക്കോൽ ദാനം നടത്തി; വീടൊരുക്കാൻ ഒന്നിച്ചത് വെസ്റ്റ് പൊലീസും സന്നദ്ധ സേവകരും

സ്വന്തം ലേഖകൻ

കോട്ടയം: വെസ്റ്റ് ജനമൈത്രി പോലീസ് പങ്കാളിത്തത്തോടെ നിർധന കുടുംബത്തിന് വേളൂർ കല്ലുപുരക്കലിൽ നിർമ്മിച്ചു നൽകിയ വീടിന്റെ താക്കോൽ ദാനം മന്ത്രി വി.എൻ. വാസവൻ നിർവഹിച്ചു. കോട്ടയം എം.എൽ.എ തിരുവഞ്ചൂർ രാധാകൃഷ്ണൻ ആശംസ നേർന്നു. ജില്ലാ പൊലീസ് മേധാവി ഡി.ശില്പ ഉപഹാര സമർപ്പണം നടത്തി. റോട്ടറി ക്ലബ് കൊച്ചിൻ മെട്രോപോളീസ് എന്ന സംഘടന ആണ് ഭവന നിർമാണത്തിൽ മുഖ്യ പങ്കു വഹിച്ചത്. കോട്ടയം വെസ്റ്റ് ജനമൈത്രി പൊലീസിന്റെ സഹകരണത്തോടുകൂടി ആണ് വീടിന്റെ നിർമാണം പൂർത്തികരിച്ചത്.